أبو عبدالحكيم
09-09-2022 - 02:23 am
تحية طيبة
سوف أتواجد في الدوحة قريباً ، حيث أن رحلتي ترانزيت وسوف أقضي أكثر من 12 ساعة في الدوحة ، وأرغب في معرفة كيف يمكنني الحصول على السكن والتوصيل المجاني من وإلى المطار والذي توفره الخطوط القطرية لركاب الترانزيت عند نزولي في مطار الدوحة أعني أين أتجه بالضبط ؟
وهل من برنامج مميز لقضاء ليلة في دوحة الخير ؟
ولكم جزيل الشكر ،،
تروح وترجع بالسلامة إن شاء الله
بالنسبة للقطرية...
بمجرد ما تنزل من الطيارة وتركب الباص اللي يوصلك المطار أول ما تدخل مع البوابة فيه كاونترات على يدك اليسار... ومقابلها كراسي إنتظار...تعطيهم الجواز + التذاكر والبوردنق ويقولون لك إنتظر 10 دقائق (حسب الزحمة والضغط)
وبعدين يعطونك فاوتشر للفندق ويوجهونك للفندق تروح للجوازات تختم الجواز دخول لقطر ثم تتجه لبوابة الخروج...وراح تتلقى مندوبين للفنادق تسلمه الفاوتشر وهو يكمل الباقي سواء ركبت الباص التابع للفندق أو ركبت تاكسي المهم توصل للفندق ولا راح تدفع ريال واحد...حتى التاكسي الفندق يقوم بمحاسبته أهم شئ تتأكد وش مكتوب في الفاوتشر
والفندق قبل ساعتين يوفر لك وسيلة نقل للمطار لإكمال رحلتك...
ورحلة سعيدة وموفقة إن شاء الله