السلام عليكم
اخواني و خواتي يعطيكم ألف عافية على مجهودكم بالمنتدى
وانا وايد قاعده أستفيد من مواضيعكم ..
بغيت منكم نصيحة أخوية
أنا ان شاءالله ناوية أسافر أمريكا لمدة اسبوعين شهر 4 أو 5
شلوون الجو هناك بهالفتره ؟
وبصراحة أنا أول مرة أطب أمريكا و عدد المسافرين شخصين
هل تكفي 3000 دينار كويتي لمدة أسبوعين شاملة التذاكر والسكن والمصرف ؟
و اذا مو ناوية أأجر سيارة .. هل التكاسي غالية هناك ؟
علما بأني قسمت الرحلة كالتالي :
نيويورك ليلتين
كاليفورنيا أناهايم 7 ليالي
واحتمال أمر سان دييقوو
بدون سان فرانسسكو مابي اروحلها
واخيرا لاس فيغاس 3 ليالي
و مو شرط تكون الفنادق 5 نجوم عادي اذا 4 او 3 نجوم
انا اللي يهمني الوناسه والسياحة والسوق
نيويورك بس ناوية اروح تمثال الحرية والباجي بالتايم سكوير
وكاليفورنيا بروح ديزني لاند واليونيفيرسال و السي وورد بسان دييقو ويمكن الزوو مالتهم
ولاس فيغاس يمكن اروح عرض واحد او اثنين شنو تقترحون وشنو احسن العروض هناك
اتمنى تفيدوني بمعلومات مفلصلة
واكون اكرة لكم