ذكرتني بوقت مضى مع الخدم الله لايعيدها ذيك الايام
اخوي الله يعافيك حنا رحنا قبل سنتين لسيرلانكا وكان غرضنا نفسكم المهم توكلنا على الله وطلعنا الفيزا ورحنا للسفاره وسجلنا البينات وقلنا نسال المدير وش فضل مكتب للخدم عطانا اسم ودق هو عليهم وسالهم وكم تكلف ومن هالكلام الماخوذ خيره قلنا توكلنا ونروح للمكتب وقلناله مواصفاتها حشى ولا عروس بنخطبها قال لنا وصلتم عندنا بس بتاخذ اسبوع وتجيكم ويكره بجيبها علشان تشوفونه وجه للوجه امحق من وجه المهم قلنا خلاص وانتهت الامور على خير وبسهالات وقلنا ماشاء الله كل شي تسهل ومادرينا وش الخافي ؟؟؟؟
المهم وجاتنا بالسعوديه ورحبنا بها واستقبلنها استقبال ولا في الاحلام صايره ذاك اليوم ولا البرنسيسه لكن وين المشكله اللي صدمتنا ؟؟؟؟؟؟

أختي الدانة .. شرفني مرورك .. معك إختك أمطار

عفوا اختي امطار ماانتبهت للاسم الابعد مااضفت الرد واسفين مره ثانيه
ياحبيبتي الشغاله طلعت مريضه نفسيا وانت تعرفين المريض النفسي وش يصيرله مو كل ساعه وساعه زي بعضه
والله العظيم سوت لنا ولا الفلم الهندي في البيت جميع انواع وسائل الانتحار جربته وننقذها باللحظه الاخيره
المهم ان المكتب نصب علينا الله لا يوفقه يارب وراحت علينا فلوسنا كلها 5000ريال من غير الفيزا يعني 7000ريال وازيدك من الشعر بيت وش سياستهم الحين يقولون روحي واشتغلي 3اشه بعدين ارفضي العمل وهذ الشي صار بيت اهل عمي لكن هم جابولها واحد من قرايبنا من الشرطه وكفخها واعترفت بكل شي عن نصب المكاتب ولعنه ابليس واشتغلت بس الله يعينهم عليها
وانا اقولك من تجربه مرت على الاهل ومو شرط يصير لكم هذا الشي بس الواحد يتوخى الحذر من النصب اللي صاير والكذب على الناس
ولكي تحياتي