فجر كل شخص في غرفه والا غرفتين ؟
تبين تكسي عمومي والا خاص ؟؟

neno
شكرا ...غرفتين لكن مو عارفة ايش الفرق بين التكسي العموم او الخاص

أختي هذى ترجع لسعر الفندق بصراحه انا من الشرقية ومسافة ربع ساعة بالكثير واكون بالبحرين
يعني لو اجلس اسبوع ما تكلفني شي السفرة لاني اجي بسيارتي واسكن في تاج بلازا
في الجفير ومشاويري بسيارتي

اختي فجر التكسي العموم الي هو بالشوارع انتي توقفيه ، الخاص لاء ، تجيج السياره الى باب سكنك بس تكلمينهم مكالمه ويجون

neno
شوفي ياطويلة العمر عندنا نوعين تكاسي تسي توقفينه بالشارع وتحصلينهم واقفين عند الفنادق والمجمعات ..
ونوع تتصلين له واييج لي عندج والنوع الثاني تتصلين له وايي على وقت معيين وسياراته افضل ..
ونوع ثالث ممكن تاجرين سياره بسايقها طوال اليوم تدفعين لمحل الاجار لطول المده اللي راح تبقين فيها طبعا هذا افضل الحلول لكن اغلاها ..
شوفي يافجر دخلت على موقع Booking.com وتشيكت لج من تاريخ 2/12 الى 8/12 يطلع لي السعر 408 دينار لشخصين السعر بدون الضريبه
https://www.booking.com/hotel/bh/novotel-al-dana-resort.html?aid=1300939
وهاذي اسعارهم من سايتهم
http://www.novotel-bahrain.com/rates.htm
يعني سعر الغرفه = 408 دينار لو نفرض الضريبه 17.5% مبلغ السكن راح يكون = 480 دينار
فلنفرض انج راح تقضين 5 مشاوير في اليوم كل مشوار مع تاكسي راح يكلفج متوسط 3 دينار للمشوار يعني المجموع 15 دينار مواصلات يوميا خليهم 20 احتياط
20في 6 يعي 120 طول السفره للمواصلات ..
التذكره من الرياض لي البحرين عن طريق الطيران السعودي يكلف 85 دينار
صرف يدج عاد انتي انتي تحديدنه شنو تبين تشترين انواع المطاعم اللي تبين تاكلين فيها ..ممكن احدده لج لو تقولين لي شناويه تشترين ومستوى المطاعم اللي تبينها
المجموع لحد الان
سكن = 480 دينار
مواصلات= 120 دينار
تذكره = 85 دينار
المجموع= 685 دينار + صرف يدج
موفقه