شوف ال قوقل ماب عزيزي
يشرح لك بالصورة

السلام عليكم ورحمة الله وبركاته
الصراحه الفندق تعبني لين مالقيت خريطه
ان شاء الله تفيدك

واذا ما طلعت الصوره هذا رابطها
http:/http://www.asiarooms.com/bahrain/bahrain/elite_suites-hotel-location.html
وكاتبين عن موقع الفندق في الموقع انه
سهل الوصول إليه حيث انه يبعد بضع دقائق عن المركز المالي في المنامه . والفندق في منطقه حيويه بالقرب من العديد من المراكز التجارية وتقريبا يقع في الناحية الأخرى من المركز الدولي للمعارض

فنادق البحرين معروفه يارجل اول ماتدخل البحرين بتعرف

اذا دخلت البحرين من الجسر تابع اللوحات الى ان تجيك لوحة مخرج مكتوب عليها المنامة اذهب مع المخرج الى ان يجيك كبري و ادخل في المخرج اللي قبل الكبري على طول بيجيك بعد الدوار سوق الدانة ايليت سويتس قبل الدانة تقريباً ب500متر داخل الحي اتمنى ان افدتك و يكون وصفي صحيح 100% بس الاكيد انه على وصفي بتكون قريب جداً من ايليت سويتس

al kobar
هلا بيك أخوي .... معليش بتدخل مع ان الاخوان ما قصروا ...
شوف ياخوي .. بعد ما تخلص م نالجسر ... بيجيك أول مخرج عاليمين تتركه ... ثاني مخرج تتركه اللي مكتوب عليه الرفاع أو مدينة حمد ... على طول بعده بتلقى مخرج ثالث .. مكتوب عليه وسط مدينة المنامة .. تاخذ هالمخرج وتطلع على الشارع الرئيسي .. بيجيك أول مخرج تتركه ...تواصل سيده .. لين ما تبين عندك منطقة المجمعات ... بيجيك مخرج عريض عاليمين تاخذه وتظل ماسك يمين ... وتلف يمين .. بتلقى مجمع البحرين على يدك اليسار ... معناته انك ماشي تمام ...
بتصادف إشارتين ضوئيتين ... وبعدهم دوار ... على يسارك مركز البحرين الدولي للمعارض ... ألحين أكيد بين عندك اليت سويتس ... وبيكون عاليمين .. مكتوب اسمه بالاخضر ...
وحياكم الله ...

اختيار كويس بصراحة وترى فيه فطور مجاني

مكانه سهل عند مجمع الدانه وبصراحه انا عندي من افضل فنادق البحرين

مشكورين وما قصرتوا الآن أنا موجود في الفندق والفضل يرجع لله ثم لهذا المنتدى اللي جميع الأعضاء فيه لا يبخلون على أحد
جزاكم الله خيرا