السلام عليكم ورحمه الله وبركاته
في البدايه أحب أن أشكر الجميع على هذا الصرح المليء بالفائده والمعلومات ... واسأل الله لي ولكم الأجر والثواب على ما تقدمونه من مجهود
انا إن شاء الله ناوي أزور أوروبا في شهر أكتوبر لقضاء شهر العسل هناك .. ومحتار بصراحه وين أقضي أجازتي .. مع العلم انها 9 أيام فقط
راح يتخللها إيطاليا لمده يومين بالكثير وممكن ألمانيا 3 أيام و 4 أيام في سويسرا
- هل مسار الرحله مبشر بأجازه جميله ؟ أو ان هناك دول أفضل زيارتها من اللي ذكرتها قبل ؟
- بخصوص الفيزا .. أنا قرأت اني استخرج الفيزا من الدوله اللي راح أقضي فيها أطول مده خلال الرحله .. يعني وبناء على المسار اللي قلته فوق المفروض أطلعها من السفاره السويسريه .. صح علي ولا انا فاهم غلط ؟
- بخصوص الاجواء خلال شهر أكتوبر القادم .. هل هي بارده بالدول اللي ذكرتهم ؟ يعني ادور ملابس شتويه من الحين ولا الوضع هناك ربيعي
- التكلفه ومصروف الجيب ... ماهي أنسب ميزانيه لل 9 أيام كلهم ( بدون السكن والتذاكر ) يعني مصروف للجيب والمشاوير هناك
- هل القطار غالي وتنصحوني فيه او فيه خيارات افضل ؟ لاني ناوي اروح من دوله لدوله بالقطار .. احسه تجربه راح تكون جميله لكن ما أدري عن أسعاره بصراحه .. ولا استأجر سياره من هناك ؟ ( التكلفه + الراحه ) هي المهمه
- أفضل خطوط جويه من ناحيه الراحه والأسعار ( الراحه اساسا تتضمن الأسعار ههه )
لأن الخطوط السعوديه صايره كنها النقل الجماعي .. طول الرحله مطبات وهبال
( رأيكم ب إتحاد الإمارات ؟ كي ال ام ؟ ليفتانزا ؟ القطريه ) ولا فيه خطوط أفضل من هذولا ؟
- كل عام وانتم بخير .. والله يقبل صيامكم وقيامكم مقدما
وشكرا للجميع
انصحك تزور النمسا اذا شهر عسل
بالنسبه للخطوط انا افضل السعوديه لانها دايركت بس لك الحريه
الفيزه سهل امورها انت تطلعها وصحيح الافضل تطلعها من الدوله الاكثر اقامه