من باريس بالقطار ... وصلنا الى زيورخ في 4 ساعات ونص ماحسينا فيها من المناظر الحلوه الي شفناها في الطريق ومااحتجنا نبدل قطارات .. دايركت من زيورخ الى باريس ...
شكلي دخلت في الموضوع قبل مااكتب تفاصيل الرحلة ... هاي مختصر مفيد للرحلة ..
نبدأ بمخطط الرحلة العام ..
25-7 الى 27-7 باريس - فرنسا
- الى 29-7 ديزني لاند - فرنسا
29-7 الى 1-8 زيورخ - سويسرا
1-8 الى 5-8 انترلاكن - سويسرا
5-8 الى 7-8 لوزان - سويسرا
7-8 الى 9-8 جنيف - سويسراالطيران الناقل ... الخطوط الجوية القطرية .... دوحة - باريس و جنيف - دوحة
والي حاب يعرف تفاصيل جزء باريس ودزني لاند يتفضل هالرابط ..
https://artravelers.com/p/re/417445 في هالجزء من التقرير راح اكتب البرنامج السياحي مع بعض الصور بعيداً عن التفاصيل وسامحوني على قلة الصور لان الكيمرا اختربت وقمت اصور صور عالسريع بالجوال ....زيورخ كما عهدتها ... رائعه ولها جو غير ... ماتصدقون اشكثر احب هالمدينة من عقب رائحة باريس الغير زكية .. حسيت اني تنشقت هواء نظيف و عطر في زيورخ الجميلة ...
سكنا في فندق الماريوت ...
وتقيمي له 10 على 10
من حيث الموقع .. فهو قريب من بنهوف ستراس .. شارع التسوق . وقريب من محطة القطار وقريب من محطة الباصات هذا اضافتا الى انه بجانب النهر ..
من حيث الخدمات .. كل الخدمات رائعة بدون مبالغة من غرف الى اثاث الى مطاعم الى حمام الى صالات الفندق الى غرف الاطفال الى ادوات الحمام كل شي كل شي كل شي رائع وجميل وكما احب وطبعا تصنيفه 5 نجوم ..
وهاي صور للفندق ...
هاي غرفة النوم واسعة وكبيرة والسراير كبيره ...
وهاي الحمام ...
صالة اجتماعات ..
الفيل الابيض في الممر وهو رمز لمطعم الفيل الابيض التايلندي الموجود في الفندق
والجميل في الفندق انه يوجد به مكينة قهوه مجانية ممكن تعمل قهوه او كابتشينو او كوفي لاتيه او شاي ..اليوم هو 29-7-2010 وهو يوم القدوم الى زيورخ .. طبعا هالمدينة ماقدر اقاومها من حبي لها ... فطلعنا نتمشى فيها واتجهنا جهة البانهوف ستراس ... وهاي الشارع امام الفندق
هالمدينة بمبانيها وبحيرتها وانهارها وجوها وكل شي فيها يسحرني
شوفو العماره الطويلة جنب النهر على اليمين هاي مبنى فندق الماريوت ... وتقريبا هو العماره الوحيده في المنطقه
تغدينا في المانور احلى اكل ... وعقبها كملنا تمشي في البانهوف ستراس
هاي المتحف مقابل تقريبا الفندق ... روعة المكان اشوف الصور وخاطري اطير اروح لسويسرا وزيورخ الحبيبه
وهاي محطة القطار من الداخل ... فيها محلات وصرافات وبنوك وسوبرماركتات
نكمل التمشي في شارع البانهوف ..
تدرون اش عيب زيورخ ....
ان المحلات فيها تسكر الساعة 8 وطبعا الساعة 8 عندهم مغرب لين الحين ... تحس اليوم ماخلص بس المحلات سكرت ...
فهاي يخلينا نضطر نرجع الفندق نرتاح .....باختصار ... اليوم كان يوم الوصول الى زيورخ ... والي سويناه :
- تمشينا في البانهوف ستراس
- تعشينا في المانور
- تجولنا في الفندق نكتشفه ..اشوفكم قريبا بإذن الله
أكون أول رد على تقريرج الممتع من أوله
وننتظر باقي التقرير