فانوس 2008
12-03-2022 - 06:14 pm
السلام عليكم يا أهل المنتدى الأكثر من رائع ..
أنا متابعتكم من زمان وإستفدت كثير من تقاريركم الجميلة جداً ..
والحمد لله سجلت وصرت عضوة بالمنتدى .. وأبي خدمة منكم الله يجزاكم خير ..
رحلتي بعد 20 يوم لجنيف المدة 10 أيام وبحكم أن زوجي عنده معرض سوف يقام هناك فحنا مضطرين نجلس 5 أيام بجنيف بس باقي 5 أيام الثانية وين تقترحون نكملها ..
وفيه شئ بعد أنا معي 3 أطفال 10 سنوات و8 سنوات وسنتين ..
وبأكون مسئولة عنهم هناك لوحدي وقت ما يكون زوجي بالمعرض .. يعني تقريباً 8 ساعات
هل أقدر أطلع فيهم لوحدي وش هي الأماكن اللي أقدر أروح لها من غير زوجي وما فيها خطورة علي وعلى أطفالي ..
طبعاً بس بجنيف ... الله يعافيكم ردودكم راح تهون علي المهمة شايلة هم من هاللحين ..
بارك الله فيكم ورزقكم الفردوس الأعلى من الجنة ..
تقدرين تطلعين مع اولادك لاتخافين البلد امان بس حاولوا تسكنون في مكان يكون في السنتر واطلعي من اصلباح وارجعي قبل غروب الشمس
واحرصي انك تتمشين قريب من الفندق او عند البحيره يعني لاتروحين اماكن بعيده بالقطار خصوصا اذا هذي اول مره تروحين لانك ما تعرفين لها اما اذا كنتي تعرفين تستخدمين القطارات وجربتيها قبل عادي ما عندك مشكله
اهم شي ثقلي ملابس لاطفالك لان هالفتره برد