السلام عليكم ورحمه الله وبركاته . .
أنا عضوه يديدة ,, بس كنت أتابعكم من خلف الكواليس
بس اليوم قررت أسجل عندكم , و إن شاء الله أفيد و أستفيد منكم
المهم أنا أمس رجعت من السعودية .. و أول مرة الموظف يقولي ليش ما تسجلين في
أميال سكاي واردز .. و أنا علامة التعجب في ويهي شو هي هذه الأميال !
وقالي أنج كل ما تسافرين تجمعين نقاط و بعدين تحصلين تذاكر مجانية ~
طبعا رجعت البيت و دشيت موقع طيران الإمارات و سجلت فيه . .
و حصلت البطاقة الزرقا الؤقتة و عطوني رقم البطاقة . . . المهم
آللحين في الموقع طلع لازم أطبعها , , أنا قلت بطبعها بس الحبر مخلص ههه
قلت بطبعها المسا , المهم آللحين عندي كم سؤال بعد هالقصة الطويلة اللي قلتها
- بعد ما أطبع البطاقة , وين و كيف أستخدمها ؟
- متى بحصل البطاقة الدائمة ؟
- كيف أحصل على البطاقة الدائمة مش آللي أنا طبعتها ؟
- هل لازم كل فرد في العائلة تكون له بطاقة ولا عادي بطاقتي أنا أقدر أحصل لكل واحد منا تذكرة ؟
و أخيرا . . .
كيف أقدر أجمع نقاط بدون سفر ؟
هل في محلات معينة أو جمعيات ؟ إذا هي كيف أشتري عندهم و أعطيهم بطاقتي ولا كيف ؟
أدري وايد سألت بس ياليت حد ينفعني
