- بصراحة..خطوط في غنى عن التعريف وتستحق مني
بسم الله الرحمن الرحيم..وبه نستعين..
هذا أول تقرير لي بالمنتدى وكلي أمل أن يحوز على اعجابكم ورضاكم
رحلتي بدأت بتاريخ 5/7/2007 على الخطوط الجوية البريطانية
بصراحة..خطوط في غنى عن التعريف وتستحق مني
في البداية طبعا ما نستغني عن لندن, قعدنا فيها تسع أيام وكان الجو معتدل جدا وكان السكن في شقة خاصة. أحلى شي يميز لندن المشي! هناك تحس انك منطلق وبس تبي تمشي بالجو الحلو وتقعد على القهاوي اتمارس هواية العرب المفضلة"التطمش على الرايح والياي" أو بالمختصر المفيد "الخز".. ومن ثم هوايتهم الثانية "ملىء البطون" بما لذ وطاب من الأطعمة ولندن ما تقصر بالمطاعم الزينة. يعني قزرناها تمشي ومطاعم! خاصة لأنا من رواد لندن, وكل الأماكن السياحية والترفيهية شايفينها من أول
بتاريخ 14/7/2007 اتجهنا الى مطار هيثرو ومنه صعدنا للطيارة لنتوجه الى نيويورك. وصلنا بحمد الله وكانت الاجراءات عكس ما توقعنا!!! سهلة جداجداجدا لدرجة اني ما بصمت ولا خذولي صورة ولا شي من الكلام اللي سمعت عنه!!!وهناك كان المبيت لمدة ليلة ما قصرنا تعشينا في مطعم كان بمحاذاة الفندق وفي ثاني يوم توجهنا الى المطار لنكمل المشوار الى ولاية كاليفورنيا.
بتاريخ 15/7/2007 وصلنا الى مطار لوس أنجلوس بحمد الله وكانت الاجراءات أسهل وأسهل. استلمنا السيارة وكانت كرايسلر 300 موديل 2007 وهذي صورتها...
بصراحة سيارة مريحة جدا وشكلها وايد حلو..ركبنا النافيقيتور وانطلقنا الى فندق ماريوت نيوبورت كوست فيلاز في منطقة نيوبورت بيتش..وهذي صورة الفندق من الخارج
وكان السكن في شقة غرفتين نوم على نظام المشاركة بالوقت..وهذي صور للشقة من الداخل..
ومنظر لحمام السباحة..
وهذي الاطلالة من بلكونة الشقة
ما عليك الا انك تجيب معاك القهوة التركية للمزاج بس لا تنسى الكنكه
والحين باترككم وان شاء الله أكمل لكم بعدين..بس ترى اذا ما لقيت منكم التشجيع..ما راح أكمل
:36_11_15:
" > 
" > 
" > 
" > 
" > 
" > 
" > 
وبداية موفقه
منتظرين إبداعاتك
ومتابع