امريكا US المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Mr. VIP
02-09-2022 - 05:14 pm
  1. ملاحظات من اليوم الكئيب:


السلام عليكم و رحمة الله و بركاته..
مرحبا بالجميع
والله ما أدري ايش أقول و كيف أبدأ بس يمكن العنوان يبين نوعا ما حالة الاحباط المؤقتة اللي تعتريني.
قبل يومين كان موعدي في السفارة الأمريكية، و كان حلم الذهاب لأمريكا بين عيوني، من يوم حجزت الموعد (في يناير 2009) و أنا انتظر يوم 25 مايو بفارغ الصبر، و من الحماس الزايد خلصت كل أموري من بدري مره.
طبعا ذهبت للسفارة و أنا حاط في بالي 90% إن شاء الله راح أطلع بالورقة الخضرا و انتظر بعدها أسبوعين لثلاث أسابيع و الجواز بيكون عندي بالفيزا، لكن اللي حصل كان غير اللي أتمنى.
أخذت الورقة الزرقا و طبعا قالولي شيك في الموقع عشان ترسل جواز السفر لما نطلبه منك
طبعا الأمل بدأ يتلاشى و أصبت بإحباط شديد لأن السفر ما بقى له كثير يعني شهر و شوي، و من خلال بعض المواعيد و الردود اللي قريتها هنا اعتقد إنه من الصعب جدا انهم يطلبوا الجواز و يفيزوه و يرسلوه لي خلال شهر و نص.

ملاحظات من اليوم الكئيب:

  • * بالنسبة للمواعيد مثل ما ذكر الكثير انهم بياخذوا بالمواعيد و كلن يدخل بموعده.
  • * تعامل الموظفين داخل السفارة رائع جدا و محترم.
  • * نقطة مهمة جدا أتمنى الجميع يحطها في باله، و هي مسألة اعطاءك الورقة الخضرا أو الزرقا تعتمد بالدرجة الأولى على الكومبيوتر و ليس على الشخص اللي يسوي معاك المقابلة و هذا طبعا ما يمنع إن الشخص اللي يسوي معك المقابلة له الحق إنه يعطيك الورقة الزرقا إذا شك فيك أو كانت أوراقك ماهي كاملة. فمثلا أنا أوراقي كلها كانت كاملة، و مو ناقص منها أي شي حتى اللي قابلتني قالتلي كل شي ممتاز و رائع، و انبسطت مره لما شافت إني مسوي جدول الرحلة و جدول يبين السفرات خلال العشر سنوات الماضية (طبعا ما فيها و لا سفره لسوريا أو اليمن أو إيران و كلها لانجلترا و فرنسا و إيطاليا و الامارات و مصر) بس فجأه لقيت وجهها عبس و قالتلي أنا فعلا آسفه، كان نفسي آخذ جواز السفر لكن الكومبيوتر ما عجبته إما صورتك أو بصماتك!! قلتلها ليش؟ قالتلي هذا موضوع خارج عن ارادتي و لو كان علي كنت اعطيتك هي الآن، لكن قالتلي و لا يهمك أنا راح أعمل توصية لك عشان يخصلوا أوراقك قبل موعد سفرك لأنك انت فعلا كول و هذا الشي الوحيد اللي اعطاني أمل
  • * آخر شي حصل معي أمس إني بعد ما طلعت من السفارة و كلي احباط، دقوا السفارة على جوالي و قالولي ارجع عشان تعيد البصمة مره ثانيه، والله فرحت و قلت يمكن تضبط و تاخذ جوازي بس للأسف رجعوني لأن اللي سوتلي مقابلة لما كانت تبغى تخلص اجراءات تسجيلي ما ضبط معاها و قالها ان الابهام ما اتصور تمام (ظهرت صورة الابهام مسحوبه كأنه اصبع طوله مترين :109 المهم رجعت سويت بصمة الابهام و قالتلي آسفه لكن انتبه لما تروح أمريكا و خلك دقيق لأن البصمة اللي تسويها هناك في المطار لو ما طابقت البصمة اللي سويتها هنا ما راح يدخلونك.

في النهاية، كلمة شكر و عرفان و تقدير لا تفي حق القائمين على هذا المنتدى عامة و الأخ الغالي Impact و كل الأخوة الذين يعملون لمساعدة الآخرين و ادخال البسمة و السعادة على قلوب الكثير من زوار المنتدى
لا حرمهم الله الأجر.
مودتي؛؛


التعليقات (9)
وارثة الطيب
وارثة الطيب
الله يكتب لك الخير يااخوي
ماتعرف وش الخيره فيه
لو تقرا موضوعي
https://artravelers.com/p/re/282152
بيهون كلش عندك

Mr. VIP
Mr. VIP
وارثة الطيب
مشكورة يا أختي والله يعطيك ألف عافية.
قريت موضوعك قبل ما أكتب موضوعي، و كل اللي قلته بعد ما خلصت قرايه (و عسى أن تكرهوا شيئا و هو خير لكم)
صدقيني يا أختي مشاعري هي خليط بين الرضا و الحزن. اللي مريحني في الموضوع إني استخرت قبل أقدم على الموضوع أكثر من مره و بعد المقابلة قلت الخيرة فيما اختاره الله، و طبعا جا في بالي مرض انفلونزا الخنازيز حفظني الله و إياك و جميع المسلمين من شره، و برضه جا في بالي إن أكيد ربنا اختارلي الخير لأن من الممكن أروح هناك و يصير شي لا سمح الله، بس اللي محزني إن أمريكا بالنسبة لي هي حلم الطفولة، و أنا الآن قاربت سن الثلاثين يعني شوفي كم سنه
عموما لله الأمر من قبل و من بعد و كل شيء عنده بقدر.
شكرا مره أخرى؛؛

الحــــوســنـي
الحــــوســنـي
تفاءل بالخير وانا اخوك وان شاء الله بيردون عليك بسرعة وتحصل التاشيرة وتسافر امريكا دوم الين ماتملها وسع صدرك و استبشر خير.

Impact
Impact
ان شاء الله بيتصلون عليك في اقرب وقت وتبشرنا بالفيزا ..

shaaadn
shaaadn
ربي ييسر امرك وتستلم الفيزا بأسرع وقت ان شالله
استغفر كل الوقت وان شالله ربي بيسهلها
ما في مثل الاستغفار وحط ببالك الفيزا انتا تستغفر وان شالله تضبط
بس مو تطلع فيزتك وتنسانا ..ضروري تبشرنا
موفق !

cadillaca
cadillaca
ماتدري وش الخبرة فيه يمكن الله مختار لك ان ما تروح هالسنه وتقرر تتزوج بالصيفيه وتروح انت وعروستك مع بعض ......الله يوفقك وبرزقك الزوجه الصالحه ان شاء الله

Mr. VIP
Mr. VIP
الحوسني
الله يسمع منك يا غالي، و تتيسر الأمور ..
رح أوسع صدري و ربك يفرجها

Mr. VIP
Mr. VIP
Impact
أتمنى ذلك، و ربنا يقدم اللي فيه الخير
أشكر لك مشاركتك و ردك
دمت بود

Mr. VIP
Mr. VIP
shaaadn
آمين يارب
جزاك الله خير يا أختي، و ذكرك الله بالشهادة، والله ذكرتيني بأمر جدا مهم .. الاستغفار
أكيد رح أجي طيران على المنتدى عشان تشاركوني فرحتي
بارك الله فيك


خصم يصل إلى 25%