sarah24_76
31-10-2022 - 01:21 pm
سلام عليكم جميعاً
طبعا آنه وعائلتي الصغيرة أول مره نسافر أمريكا كنا كله ميودين شرق آسيا وألحين قررنا مره وحده آنه وزوجي نروح هالرحله إلي نعتبرها رحلة العمر وإن شاء الله تكون بالفعل رحلة ما راح ننساها يارب...طبعا إهي للحين نية وعلى الله التوفيق...آنه من طبعي أحب أكون جاهزه من مجاميعه....يعني قبل السفر بفتره دارسه الديرة ولافه جوجل ماب وعارفتها كأني زايرتها ولما أروح أشوفها بس رأي العين
مخططنا إن نروح نهاية يونيو الصيف القادم لمدة شهر إن شاء الله بس حبيت أستفسر هل من الممكن أقدم على طلب موعد للفيزا من ألحين وإلا تو الناس ويمكن يردونه عيال العم سام :0n3ei:...من طبعي أحب أخطط كل شي وأرتب كل شي وفي نفس الوقت عشان أحصل على أسعار مناسبه قبل زحمة الصيف فشنو تشورون على أقدم على موعد من ألحين وإلا أنتظر؟ ومتى؟
هل أقدر آخذ موعد لبداية يناير من ألحين وإلا بعد يناير يعتبر تو الناس
أنتظر رد الأعضاء والمشرفين
ولكم مني ألف تحية
بالتوفيق