هلا بمحبوبتي لندن
بالنسبة للبيج بن ولندن اي ومدام توسو وبرج لندن خلهم في يوم واحد ,, يعني خذلك تذكره بيج باص ومعها تذاكر مدام توسو ولندن اي ,, ولا يفوتك عرض ال4D لمدام توسو ب2.50 باوند فقط
و البكنجهام بلس روحه ساعه 11 ,, لان العرض يبدا 11 او 11:30 مو متأكد
وهذا الموقع يتعلق بمواعيد و حجز وشراء تذاكر القطارات
http://www.thetrainline.com/
ومحطة مانشستر بيكاديلي هي اشهر محطة ويفضل تنزل فيها
معلومه : لندن تبعد عن مانشستر ساعتين تقريبا ( بالقطار )
0باوند تقريبا تكفيك انت واخوك للبيج باص ومدام توسو ولندن اي وفطور وغداء وعشاء وتحليه وتبقى فلوس زياده يمكن
الاويستر موجوده في جميع المحطات على حد علمي وسعرها 28.50 باوند لمدة اسبوع ( قطارات وباصات لندن + جرينيش )
ورحلة سعيدة وتروحو وترجعو بالسلامه

السلام عليكم يا أخوي.. إن شاء الله تروحون وتنبسطون وترجعون بالسلامة.. بالنسبة لجدولك في لندن يبدو لي كويس.. بس أنا عندي اقتراح بخصوص الحدائق.. جميل جدا أن تزور هايد بارك وريجنت بارك.. لكن الأجمل في نظري هي حديقة Hampstead Heath في حي الأثرياء Hampstead في شمالي غرب لندن.. الجميل في الحديقة خضرتها الخلابة وفيها أعلى نقطة في لندن تقدر تطل منها على لندن.. وفيها بحيرة يُمنع الصيد فيها واسماكها تجنن.. وفيها مقهى يشبه البيت الأبيض .. وكثير.. على العموم أنا اصنف هذه الحديقة الكبيرة كواحدة من أجمل الدائق التي شفتها في حياتي.. بس كونوا مستعدين للمشي..
تحياتي

هلا فى ولد ديرتي الافضل تاخذ التذاكر ومدام توسو والباص من مكتب السفاره
فى عروض وأرخص من لندن
ورحله موفقه يارب
بنتظار التقرير

المسافر الصغير
جزاك الله خير وماقصرت ..
وكم من البيكادييلي مانشستر إلى ملعب الأولد ترافولد ؟؟ يعني اخذ لي تاكسي أحسن ؟؟الامير المسالم
والله أخوي انا أبي اروح للهايد بارك والريجنت والقرين بارك والجيمس بارك .. وشايل همهم تبين أروح بالشمال الغربي ؟!؟ ان شاء الله الجايات أكثرر ..
وجزاك الله خير ..هلا أبو عبدالله ..
والله شفت التذاكر عندهم .. والله فكرت فيها لكن ؟؟ قلت خلني اتعلم من هناك أحسن لي وأورح وأدور أحسن أبي احس اني بلندن صج ..
وإن شاء الله التقرير من الآن يُرتب .. < يطبخ على نار هادئه ~

حطيت الرحلة بالموقع حق القطارات ..
طلع لي الشخصين ذهاب/اياب نطلع من لندن الساعة 7:00 نوصل هناك 9:00 والاياب الساعة 17:00ونرد لندن الساعة19:00 ؟؟
السعر £245.20 هل هذا معقول ؟؟
ولا يمكن انا مخربط بشي وياريت احد يعمل لي أو يشوف لي السعر
طبعاً تاريخ 30-9 الوقت مثل اللي فوق ..
وبالتوفيق

صبرا (محبوبتي لندن) ان موعدكم الاثنين لول
بخصوص الملعب اقرب محطة هي
Manchester United FC Rail Station
شوف هذا الموضوع
https://artravelers.com/p/re/337468
عيش حياتك
ونحن في الخدمه

وكم من البيكادييلي مانشستر إلى ملعب الأولد ترافولد ؟؟ يعني اخذ لي تاكسي أحسن ؟؟
تقريبا 10 دقائق بالسياره ,, انت شوف ويش احسلك التاكسي او الباص ,, بس انا لو في مكانك راح اخذ باص
وبالنسبة للقطار يمكن الموقع مخرف هع ,, بس ما راح تطلعك التذكره غاليه اقل من 100 باوند للشخص روحه ورجعه
واحجز التذكره اول ما توصل محطة يوستن

ههه
اخوي موادع ترى كاتبه غلط ..نوصل يوم الثلاثاء ..

1. لاني اعتقد ان السايق ينتظر نص ساعه او ساعه مو متأكد

أخوي المسافر الصغير يعطيك العافية .. بس الباص بعد اطلع أويستر حق مانشستر ؟!
لالا ,, ما لازم تطلع اويستر ,, يصير تقطع تذكرة ليوم كامل وبأقل من 5 باوند
وحتى في لندن يصير تقطع تذكرة ليوم واحد
اما الاويستر هذي لو تبيها اسبوعيا , شهريا , ...... الخ
ولكن لو تبي تاكسي فهذا شي راجعلك ...
بس لازم تعرف ان التكاسي اغلى من الباصات بكثير
واذا خلصتو من النادي امبكر لا تنسو تزورو المجمع الي في مانشستر واتوقع اسمه ترافورد سنتر
مجمع كبير وحلو
بس لا تتأخرو على موعد القطار الراجع الى لندن ,, لاني اتوقع ان التذكره لها وقت محدد وتنتهي
انا حجزت شركة الفا .. وأكدوا لي الحجز .. بس انا حطيت وقت السايق لازم يكون الساعة 07:17 ص ؟؟
وموعد الوصول بالتذكرة 07:15 ص ؟؟؟ شرايكم ؟؟ زين ولا يمكن نتأخر عليه ؟؟
نعم راح تتأخرو ,,, لو تقدر تكلمهم وتقولهم انك حاجز وخلهم يغيرو الوقت ويجوكم بعد نص ساعه من وصولكم

لاني اعتقد ان السايق ينتظر نص ساعه او ساعه مو متأكد

ولا سمح الله وتأخرتو اكثر وانتو في المطار ,, ممكن تتصلو في الشركه وتقولوهم يخلو السايق ينتظر اكثر ,, ولكن راح تدفعو كم باوند زياده للمواقف ,, يعني كل ساعه مدري يمكن 5 باوند او اقل ,, بس ان شاء الله ما تتأخرو وتكونو في الوقت الازم هناك
شلون يعرف اني أنا اللي حاجز .. انا راح اشوف لوحة اسمي .. ودزوا لي بالايميل رقم اللي هو رقم الحجز .. وأسم السايق .. ؟؟ هل لازم اطبع ورقة التأكيد ؟؟ ولا اسجل رقم الطلب بتلفوني واعطيه ؟؟
راح يكون ماسك ورقه فيها اسم الشخص الي حاجز ,, واذا في طلبك انت كاتب اسمك فراح تشوفه ,, يفضل انك تطبع الورقه وتخليها للاحتياط
وان شاء الله تكون استفدت مني ,,, واي استفسار انا في الخدمه