عد وأغلط
اقترح تبدأ العلاج من الآن
الموضوع ما ينصبر عليه ولازم تبدأ مع أخصائي شاطر
لو انت قريب مني لكان افدتك أكثر
الله يشفيك
وما تشوف شر

أخوي بو عزيز
أعتبرني قريب وفيدني الله يجزاك خير دنيا وآخره ؟؟

والله ياخوي هالمرة بتروح في شهر عسل يعني منت بروحك معك زوجتك وشلون تخاف من الكلاب والقطط وانت في نضر الزوجة (الفارس)..........ماضن انك جاد بكلامك معقولة تخاف

أخوي فيصل وش قصدك الفارس ؟؟
وبعديم ليه امزح انا جاد وترا مو عيب اذا كنت مريض بشي زي كذا

ANAS-BSF
اذا انت فعلا قريب (في جدة) .......
راح نعمل (مع سوا) زيارة للعيادة البيطرية واللي فيها ممكن نكسر حدة الخوف وتقترب للقطط ولو من خلف القضبان
يبعد ذلك ننتقل الى المرحلة الثانية وهي زيارة منزلي وتقابل الست (دلع) اعتقد راح تكون بداية كويسة مع القطط
المرحلة الثالثة نعرفك على السيد (ماكس) من فصيلة الجيرمان شيبيرد
وممكن في الأخير تبدأ تكسر حاجز الخوف اللي بيعاني منه ملاين البشر حول العالم
طبعا مازلت عند إقتراحي الأول وهو بداية الجلسات العلاجية المكثفة
خبرني لو ناسبتك الفكرة
وما تشوف شر إن شاء الله

أخوي أبو عزيز ,, انا أشهد انك رجل راعي فزعه
ويكفي انك مديت يد المساعده هذا بحد ذاته شي اعجز عن الشكر له ..
الصراحه يا ليت اني بجده عشان القى واحد مثلك يحمسني ويشجعني للشي هذا ..
وخلنا نبداها وسلملي على الأخت دلع والأخ ماكس من بعييد اول شي
لكن انا الصراحه من الخبر ..
طيب اخوي ابو عزيز .. هل الكلاب الله يعزك منتشرين لكن كل واحد مع راعيه ولا ((هايتين)) ..
لأن انا تجيني الحاله اذا كلب هايت وحسيت انه بدا يقترب مني وناصيني .. يعني قاصدني بطريقه
وربي يخليك ابو عزيز ..
أخوك أنس

ANAS-BSF
اكرمك الله الكلاب و القطط حسب القانون السويسري الصارم جدا يمنع بعدم ترك الكلب غير مربوط الا في اماكن محددة (الحدائق الكبيرة) في الشوارع والممشى اما البحيرات ممنوع منعا باتا تركها (أن ليشد)
وعموما كما عودت أطفالي وزوجتي في ضرورة فهم سلوك القطط والكلاب خصوصا بعدم الإرتباك وإصدار اي حركة فجائية امام الكلب
الكلب اذا اقترب منك فهو فقط ليشم رائحتك ومستحيل ان يلمسك او يلعقك فقط يشم ويتوكل في حاله وفي هذه الحالة اذا كنت جالس على كرسي لا تتضايق ورتفع رجولك او (تهشه) لأن الكلب وصاحبه راح يشعرون بالإهانة
اذا كنت ماشي وجاء الكلب من امامك او من خلفك فتجاهله تماما وكأنه غير موجود صدقني راح يمشي في حاله
وفي معظم الأحوال الكلب هو اللي يكون خايف وليس الإنسان
اخطر شيء يمكن للشخص ان يخشاه هو اثناء المشي في الأرياف وبين المنازل عندنا في الريف واثناء مرورك امام منزل فيه كلب (حراسة) او حتى من انواع الكلاب الصغيرة يبدأ الكلب بالنباح المتواصل حتى تعدي حدود المنزل
وهذا شيء طبيعي وعندي ابني وزوجتي خلاص حفظوا كل منزل وش فيه من كلاب
اكرمك الله واكرمكم جميعا
مواضيع مثل هذه ينظر اليها بعض الناس بإستخفاف وسذاجه وهذا خطأ فدح لأن موضوع الكلاب موضوع غير عادي في بلادنا (الا ما ندرر )
تروح وتجي بالسلامة
لا أرآك الله مكروها

أخوي ابو عزيز بأختصار كلامك احس في راحه شديده وأسلوبك جدا جميل
اعجز عن الشكر .. لكن بحسب خبرتك انا شهر العسل انشالله بروح النمسا وجنيف ..
لكن ودي أسأل أسأله كثيره فما أدري اطرحها هنا ولا لازم اكتب فيها موضوع جديد
انا لأن اغلب الايام راح تكون في النمسا .. فطلبت المساعده في قسم أقتراحات النمسا ..
وقبل ما أسأل ما ادري كيف الطريقه وكيف أقدر أستفيد من خبرتك العاليه ماشالله ..

ANAS-BSF
تفضل اخوي اطرح اللي تبيه هنا في هذا الموضوع
بالنسبة للنمسا نفس الشيء افتح عندهم موضوع وابو مشاري (آخر الفرسان) والأخوة ما راح يقصرون ابد معاك ان شاء الله
تحياتي