الطيار والعطاس للسفر والسياحة اتوقع لهم مكاتب بالرياض وهم وكلا لعدة خطوط
طيب جرب الذهاب على السعودية والعودة ع الخطوط السورية او العكس حسب توفر الحجز قد تجد ذهاب اوكي بخطوط والعودة انتظار وتجد بالاخرى ذهاب انتظار والعودة اوكي
ولو توصلت للمزيد من المعلومات افدتك
تمنياتي لك برحلة سعيدة

أشكركم على تفاعلكم
أنا كنت أسئل عن وكيل لأكثر من خطوط جوية ليتسنى لي الذهاب على أرخص خطوط المسافة قريبة ولا تفرق خطوط عن أخرى كثيراً
خطوط الاتحاد ما لها رحلات من الرياض إلى سوريا مع الأسف

ادخل على الموظف وايلس عنده وقوله يدور لك عالخطوط السعوديه وصدقني بيطلع لك حجز

حبيب قلبي
انا رحت من جده لاذقيه العوده من دمشق للرياض
كلفتني 3000 ريال على الخطوط السوريه
بس شف درجة اولى ودلع وراحه الطياره قديمه صح بس طيار شاطر
وطيران مرتب ونظيف وكل ما انت جالس يعطونك اكل ودلع يعني تحس انك راكب طياره
مكتب الخطوط السوريه في طريق العليا العام لا خليت كنتاكي الي جمب الفيصليه على يسارك
ادخل يمين من عندك وامشي 100 متر تلقاه على يسارك
علمني وش سويت لا حجزت وادعيلي

هلا اخوي
مثل ماذكرت لك سابقا الخطوط السوريه بمواسم العمره والحج يكون عندها رحلات مخفضه وبتكون تقريبا بسعر 1250 ريال واتذكر مره رحنا فيها قبل موسم الصيف كانت ب950 ريال وانا سافرت عليها كانت اتوقع بشهر مايو اللي طاف . وبالنسبه للاسعار تختلف من مكان لمكان ومن مكتب لمكتب بس مثل ماقلت لك اذا النيه عندك على العيد هذا لحق لان ماعاد راح تحصل حجز وبالنسبه للخطوط السعوديه ماراح تسوي تخفيض الا بمواسم نادره مثل الحج وقليل جدا بالعمر برمضان ولكن مو مضمونه وترى السعر يفرق كثير والخدمات طبعا بالسعودية ممتازه ولكن بالسوريه لاباس بها وعلى قوله واحد من اصحابي كلها رايحه لنفس الاتجاه وكلها بالنهاية واصله ان شاء الله لسوريا وبنفس الوقت فليش تدفع زياده

مافيه طيران مباشر غير السورية والسعودية
الجزيرة ماتقلع من السعودية لازم تروح الكويت

اذا ودك توفر فلوس ... احجز على ناس للقريات ... ومنها زى قولة الشباب دمشق
ب150 ريال .. 5 ساعات وانت فى العاصمه .... والله فكره مهيب شينه ......