اخي الفاضل ان كنت تقصد الصالونات الرجالية فالتركية أنظفها وأفضلها وتجدها في كل مكان
تجنب الفلبينيين والهنود لافتقارهم الى معايير النظافة

كلامك فى محلة و بالفعل جربت الحلاقة لدى الفلبينيين فكانوا من اقذار ما ريت ( اجلكم الله ) وسعر زاد على الفاضي
طيب اخي وين محلات الحلاقة للاتراك

صالون مرسين - مدينة عيسى ( موقعها جنوب المنامة 15 كيلومتر ).
صالون تكليك - العدلية - المنامة.
طبعاً هذيلا الصالونات الخارجية / بس أفضل صالون على الإطلاق صالون فندق اليت جراند ( ضاحية السيف - المنامة ).
بطبيعة الحال ما في شي يعلا على صالونات الفنادق والمنتجعات / ومثل ما تفضل اخوي ابو الحسن أفضل صالونات هي الي تعود إلى الأتراك ( يدهم نظيف وخفيفة وحرفية ).
نعيماً مقدماً أخوي الغلا.

السلام عليكم ورحمه الله وبركاته اخواني اعضاء منتدى العرب المسافرون وجميع العاملين وعساكم بخير حبايبي
وادي انزل غداً للبحرين وابغ واصف واضح للمنطقة الموجوده فيه سوق السيف والسيتي سنتر من الجسر
واذكان فيه اماكن عائليه زينة لاتبخلون علينا وابغ حلوى بحرينيه تبع في نفس المنطقة ارحو الرد بسرعه قبل ما اسافر واضيع هناك ثم اقول تعالو رجعوني ههه مشكورين

مافيه ردود ليش نايمين ولا مدومين ترى عندي انا اجازه ههه

1. يا هلا فيك أخوي ..


2. انت تقصد ضاحية السيف ؟ الي فيها مجمع البحرين سيتي سنتر ومجمع السيف ؟؟

ابو تركي هويمل

يا هلا فيك أخوي ..

انت تقصد ضاحية السيف ؟ الي فيها مجمع البحرين سيتي سنتر ومجمع السيف ؟؟

أول ما تدهل الأراضي البحرينية تاخذ 3 مخرج إلى اليمين ، راح يلف فيك تلقائياً لأنك راح تركب فوق جسر , بعد ذلك واصل إلى الأمام بعد حوالي 9 كيلومترات راح تحصل جسر اركب فوقه واصل إلى الأمام بعد شوي راح تحصل جسر آخر ، هالجسر اذا كنت ناوي تروح مجمع السيف لازم تاخذه إلى اليمين تنزل تحت وتنعطف بعد ذلك إلى اليسار راح تحصل مجمع السيف واضح جداً أمامك / بس اذا كنت حاب تواصل إلى البحرين سيتي سنتر واصل إلى هالجسر إلى الأمام وراح تحصل مبنى السيتي سنتر ضخم بعد حوالي نص كيلومتر إلى اليسار ، عشان تدخل السيتي لازم تاخذ ثاني مخرج إلى اليمين بعد نزول من الجسر الأخير , وبعد ما تاخذ المخرج الأخير تاخذ المنعطف الأيسر وتواصل إلى الأمام تلقائياً راح ينعطف فيك الشارع إلى مدخل السيتي سنتر.
وترى اللوحات الإرشادية موجودة في كل مكان ما راح تضيع أبداً ان شا الله
بالنسبة للحلوى ما راح تحصلها في نفس المنطقة , لازم تدخل شوي داخل سواء في شارع المعارض أو في المحرق , وطبعاً أفضل سوق حلوى موجود في البحرين هو ذلك الموجود عند مدخل سوق المحرق القديم محلات حلوى أشكال وألوان على يمينك ويسارك.
أوقات سعيدة أخوي.