السلام عليكم ورحمة الله وبركاته
يسعد لي مساك اخوي حمد
احب اشكرك على هالتقرير الجميل
لان الكثير راح ريسفيد من هالموضوع ان شاء الله
تحياتي لك
بو وليد

شكرا لكل من قام بالتعقيب على الموضوع ....ثانيا / مجمع الراشد :
مجمع رائع بكل المقاييس .. يوجد به حتى الآن 11 بوابه تم غلق الكثير منها بسبب التوسعه اللي قاعدين يسوونها له ..
أنا قريت ان ها التوسعه راح يكون فيها أكبر سوبرماركت بالشرق الأوسط "كارفور" ،،
ومبنى كامل لمواقف السيارات ..
ومبنى آخر يحتوي شقق فندقيه ، إلى الآن ما بعد صرحوا عن اسم الشقق
وأيضا جسر يحتوي العديد من الماركات والمحلات والكوفي شوبات ...
ويكون هذا الجسر همزة الوصل بين المجمع والشقق الفندقيه التابعة له في المبنى الآخر ...
وأيضا راح تستغربون ((((( سينما ))))) أنا أول ماسمعت ها الخبر صُعقت ....
بس بعدها قالولي ( سينما أطفال ) !!
أكيد ... لأن مستحيل يكون بالسعوديه سينما زي باقي العالم ....
يالخيبة الأمل .... المهم نكمل >>مجمع الراشد كان هو المجمع الحاصل على المركز الأول بالنسبه لكثرة الزوار اللي يزورنه بالشرقيه ..
بس لما فتحوا مجمع الظهران قبل سنه سكر عليه ..
بس ما اعتقد ان مجمع الظهران ما راح يفرح وااجد لأن توسعه الراشد راح تغطي على مجمع الظهران
..

• - صالة الألعاب ( القبو ) : تحتوي على الكثير من الألعاب الشبابية ، التي هي :

أما عن ألعاب الأطفال تجدونها في الطابق الثالث من المجمع ، بس أنا لي فتره طويله ما رحت للألعاب اللي
فوق فاللي أتذكره من الألعاب كان .

• - المطاعم : تحتوي صالة الطعام في مجمع الراشد على العديد من المطاعم المشهورة عالميا ..

وتقع عند بوابه 8 في الطابق الثالث
أغلبيتها ( جنك فوودز )

أخوي حمد برغم أن ما تذكره معروف لأغلب المشاركين بهذه البوابة إلا أن طريقة سردك للموضوع مشوقة وتوحي لك بأنك تتعرف على هذا المكان لأول مرة ، لكن ما أقول الا هل من مزيد؟؟؟؟؟؟؟؟؟؟؟؟؟؟؟؟؟؟!!!!!!!!! نبي بعد بني بعد بني بعد .(بني = نبغي )بالكويتي !!ها ها

اخوي حمد
تسلم وما قصرت
عندي سؤال لو تكرمت ...اين يقع الظهران مول؟
..

ههه أخوي فهد ......
أشكرك كل الشكر على ردك الاكثر من رائع ،،
ومشكور على هذا الإطراء .....
وموضوع الكورنيش أنا من الحين اجهزه لكم ...
بس لاتبخلون علي بالرود .... أبي أشوف ردود كثيره
بالتوفيق أخواني

أهلين أخوي راقي ،،،
مشكور على النصيحة .. بخليها في بالي على طوول
و الظهران موول على تقاطع طريق الأمير فيصل بن فهد مع طريق الملك سعود ......
وأتمنى أن أكون قد أفدتك عزيزي ...

1. نبدأ بسم الله ...


2. ثالثاً / كورنيش مدينة الخبر ( الجزء الأول ) :

نبدأ بسم الله ...

ثالثاً / كورنيش مدينة الخبر ( الجزء الأول ) :

تتميز الواجهة البحرية بموقعها في قلب مدينة الخبر بمواجهة مركز المدينة وامتداد للنسيج العمراني والتجاري وعلى ساحل الخليج العربي رابطة الكورنيش الشمالي مع الكورنيش الجنوبي للمدينة لتوفر بذلك متنزها ترفيهيا للمواطنين والمقيمين ورواد المنطقة
فعلا كورنيش الخبر أو " الواجهة البحرية " أحلى كورنيش بالسعوديه ...
كيف لا و الخبر حائزه على المركز الثاني لأجمل مدينه عربية ....
ودي أعطيكم كم معلومه عن الكورنيش قبل ما أبدى بالحش عن المطاعم اللي فيها :
الكورنيش ياطوال العمر فيه ممر مشاة موازي للشاطيء طوله 2500 متر وعرضه 20 متر ..
ويحتوي ممر المشاة على مقاعد مطلة على البحر وممر الجري وممر خاص ب(( عربة قطار ))

• - طيب ببدأ أعد لكم المطاعم والكوفي شوبات الموجودة على الكورنيش من الجنوب إلى الشمال ( جغرافيا )

و من اليمين إلى اليسار ( ترتيباً ) وترى مو شرط مره مره يكون بالترتيب لأني مو حافظ الأماكن صم :
1. برجر كنغ : الكل يعرفه ... مطعم هادي ولا يصير فيه زحمه أبد.
2. د.كيف : رهيب مره ،، والجلسه حقتهم اللي برى إطلالتها على الكورنيش روعه ، أنا أنصحكم
تزورونه ...
3. مطعم داجن : خطير جداً ولا يفوتكم الجمبري حقهم ... ولا أنسى المطعم فيه صالة ألعاب كبيرة للأطفال.
4. ماكدونالدز : جت فتره منعوا الزياره له واقتصروا فقط على طلبات السيارات لأنهم كانوا يسوون أعمال
الصيانة والديكور ،، بس فعلا الديكور طلع روعه وخصوصا مع الأنوار الصفراء اللي حاطينها ..
هذا المطعم تحس أن كل أهل الخبر فيه ، خصوصاً بالليل بعد الساعة 12 في قسم العوائل ... حوسه
لا و الصغار يركضون وإزعاج لأبعد الحدود ، الزبده = الدعثه قايمه هناك من أول ما يفتح المطعم
إلى أن يتسكر بالليل ...... ;)
5. ستاربكس : مثل ماقلت في التقرير حق الراشد ( ستاربكس ،، علم على رأسه نار ) ،،
بس أنا بقولكم قصه قد صارت فيه بس ما أدري عن صحتها واحد من ربعي قالي القصه نقلاً عن
صديق ولد عمه اللي قال لصديقي ها القصه ...
لخبطتكم صح .. طيب ،، برتب الشخصيات والمهمه اللي نفذها كل شخص علشان تفهمون أكثر :

• صديق ولد عم صديقي : هذا اللي صارت معه القصه
• ولد عم صديقي : هذا اللي قال لصديقي القصة
• صديقي : هذا اللي قالي القصة
• أنا : حمد 333

ههه وش رايكم بالترتيب المنظم أحسن من :
" واحد من ربعي قالي القصه نقلاً عن صديق ولد عمه اللي قال لصديقي ها القصه "
المهم القصه كان صديق ولد عم صديقي قاعد بقسم الأفراد حق ستاربكس ،، وبدون أي مقدمات
جت الشرطه والهيئة ودخلت قسم العوائل بستاربكس ..... و طلعّوا الهيئه بنتين تقريبا
حوالي 19 أو 20 سنه أعمارهم وركبوهم جمس الهيئة وراحوا ؟؟!!
وش قصة ها البنتين ..... بعد إستفسارات صديق ولد عم صديقي طلع أن ها البنتين تهاوشوا
على طاوله .. كلهم يبون نفس الطاولة وجت وحده منهم وخمت الثانيه بقس وكملت عليها بقس ثاني ..
الثانيه عاد ماسكتت .. و صكتها بشنطتها الصغيره اليدوية على جبهتها ،، وقامت القيامه ................
أنا اللي تحسفت عليه أني ما كنت موجود هناك علشان أتفرج عليهم ،، والله كنت بموت
من الضحك

مشكورين على تفاعلكم .