صاحب السيف
25-09-2022 - 02:30 am
السلام عليكم ورحمة الله و بركاته
أخواني و أخواتي
خلونا نريح شوي من قراءة التقارير و نتكلم عن أطرف موقف مر عليك في رحلة سياحية و لو سمحتوا خلوني ابدأ بنفسي
الموقف
في رحلة شهر العسل في الأسكندرية تعرفون الواحد توه متزوج و طول النهار لفلفه (جولات سياحية) لين عينة ما تنقز المهم يوم وصلت الفندق اللي أنا ساكن فيه و دخلت ونمت و كان الوقت بدري شوي (لا أحد يعلق و يقول عريس و ينام بدري) و كنت تعبان جداً و كان أول لي في هذا الفندق المهم صحيت في الليل على أصوات النادي الليلي (و الله يا أخوان و مثل ما أقول لكم) قلت في نفسي أن شاء الله ينهد (يطيح) النادي الليلي باللي فيه و يريحنا .... و بعد شوي تذكرت أن أنا في نفس الفندق و كيف لو أنهد النادي معناه راح ينهد الفندق و أنا أرجع و أقول لالالالالالا أن شاء الله ما ينهد (طبعاً كان الكلام هذا على الفطرة ... يعني أهوجس مع نفسي) و كل هذا الكلام أنا ما أدري صاحي و ألا نايم.
و أتمنى نقرأ مزيد من المواقف مع الأعضاء
و دمتم بخير
على سالفة مطالبة البعض من الأخوات بقيادة السيارة صادف أن
دعاني صديق غالي لمقابلته في مكان عام وانتظاره لأخذي بعد
ذلك للعشاء وعند وصوله طلب مني ركوب السيارة وتفاجأت بأن
من يسوق هي زوجته وبصراحة أول مرة تسوق فيني إمرأة !!!
وطوال المشوار وأنا أبتسم وحاط يدي على قلبي من الخوف ولكن
طلعت الإندونيسية جدعة وعلى فكره سيارتها لاند كروزر land cruiser
ومن موديلات سنتها ومن الحجم الكبير وهي غاطسه فيها !!
المهم المنظر جديد علي ولن أنساه وأنسى ردة فعلي في بداية
الموقف وللأن يذكرني به هذا الصديق ..
شكراً أخي الكريم صاحب السيف على موضوعك الجميل ..