ريماس قلب الماس
كنت بكتب اسماء المحلات ولكن انتي ذكرتيهم قبلي
افضل الاماكن مذركير.....H&m وزارا ونكست......بس ما ادري اذا نفس الموديلات
بس الاغلب كله حلو وراقي وكل يوم في شي جديد بسوق

الله يعطيك العافية وماقصرتي يالغالية

هلا اختى حياج الله باي وقت بديرتج بالكويت حبيبتى شوفي عندج المحلات للبس اليهال من هذي :
1 مجمع المهلب ( الكائن في حولي ) تنزيلين بالسراب تلقين محل ( لحظة من فضلك ) فية كل الماركات من ( ديور بربري ربوتوكالفالي كليوي ايسبرغ ،،،، وغيرها من الماركات اللي ماتحضرنى حالياً وطبعا لهم كذي فرع لمتجر لحظة من فضلك *** ( مجمع الأفنيوز بالطابق العلوي بالتوسعة الجديدة وبعد الفرع الثالث لهم في مجمع برج جاسم والكائن في المرقاب أو منطقة السور بجانب التامينات الاجتماعية ومقابل الحديقة النافورة الموسيقية وصالة التزلج وهوه مجمع جديد حالياً )
2 عندج السالمية شارع سالم المبارك ( محل زهار والكائن في مجمع الربيع وفية كل ماركات من فيري ودي اند جي وموسكينو وغيرها من الماركات وحاليا مسوين خصم علي البضاعة )
3- وباننا حاليا بالسلمية بنفس الشارع عندج مجمع مريم بالسرداب كلة محل ملركات من (كنزو قيس تمبرلاند ريبلي قولجي اند غابانا دكنى مونليزا وغيرها من الماركات الحلوة واي بعد عندهم ايليت ،،، )
4- بشارع الموازي لمجمع مريم عندج مجمع سنترال بلازا ونفس الشرع سالم المبارك بالسالمية فية محل ( ارمانى ) وطبعا ارمانى كل افراد العايلة من الكبير الي اليهال محل موجود هناك ،،،
5-- وفي مجمع جديد اسمة( اميمة ا, امينة ) وهوة نفس المبى فيه فندق جديد اسمة ( ابيس ) في محل جديد بعد كلة ماركات بس والله لحين مادخلتةاشوف شنو اللي فية بس اشوف الواجهة مالته
6- بعد عندج بالسالمية بنفس الشارع مجمع زهرة فيه جم محل للبدل لليهال وطبعا كلهم ماركات
7- ونفس الشارع علي امتداد مجمع مارينا مول في محمع اسمة ( دانا سنتر ) في محل تابع للاسطورة (لايم لايت ) الدور الثاني في بعد بدل حلوة لليهال من الماركات ( موسكينو مارك جاكوب بربري كليوي ،،، الخ من الماركات )
ثانيا:
المحلات اللي بالديرة في المجمعات الراقية عندج :
1- مجمع الراية : فية محلات ( بوتيك بربري لابين هاوس اوكايدي امور كرستيان لاكروا ميريز مينى مان )
2- مجمع الصالحية : في محل بالطابق العلوي بس والله ناسية اسمة بعد فيه بدل حلوة من الماركات الطيبة ( ربورتو كالفالي وغيرهاالمحلات ،،،،)
3 - مجمع الافنيوز : طبعا متروس شغل محلات لليهال وبعد واايد حلوين واسعارهم حلوة ومتناول الجميع
ان شالله اكون قد كفيت ووفيت انشالله يارب

هلا وغلا بكويتية وأفتخر عسى ربي يفتح لك أبواب السعادة ويهنيك ويعطيك ماتتمنين يارب
والله هذي التفاصيل السنعة
تسلمين يالغالية
بس أسعارهم شلون تتراوح بين كم

هلا والله عذرينى تاخرت عليج لأن اليوم دخلت المنتدي الطيب ،،،، والله شوفي اختى اسعار تتفاوت من 20دك والي 100دك وطبعا إذا ييتى الكويت اللحين فرصة الكل مسوي خصم موطبيعى تدرين لأن العيد ياايعلي الصيف وصاير الحين كله خصم والتشكيلة الجديدة راح تكون شتوية فراح نلحق علي البضاعة الشتوية قبل ماتخلص المقاسات،،،،،
والله انشالله تحاولين تيين الكويت عشان تحصلين مقاسات للعيال الله يحفظهم لج يارب

هلا كويتية مشكورة على اهتمامك ووقفتك معاي
بس ما فهمت الحين الخصومات على الملابس الشتوية أو الصيفية أرجو التوضيح
وسامحيني على كثرة الاسئلة

ماقصرت الاخت كويتيه وافتخر كفت ووفت

هلا والله ياخواتي وانا قصدي علي الخصومات للصيفي وتري في بعض المحلات اشوفة منزلة الشتوي وتري للحين في خصومات بالاسواق وخاصة الافنيوز شي موطبيعى
وحياج الله عندنا هذا بيتج يالغاليه وانا ماسويت الا الواجب

هلا كويتية إن شاء الله يمكن ازوركم بعد اسبوعين ويارب استفيد والقى البضاعة الحلوة واسعار أحلى
وعساك على القوة