هلا اخوي
سعر السيارات اللي ذكرتهم بحدود 5 الى 7 الاف بس يعتمد على حسب الموديل (على فكره هذا سعر تقريبي مو بالضبط)
وبالنسبه للاكسسوارات تلاقيهم بسوق المباركيه بسرداب الشايع
اما الموبايلات في عندك بشرق شارعين كلهم محلات بيع الموبايلات المستعمله واليديده
الاول مقابل مجمع الرايه
والثاني قريب عنده الصراحه مو ذاكره اسمه بس اهو مشهور في محلات العاب ومكاتب سيارات بالاضافه للتليفونات (اذا تبي اوصفه لك ماعندي مانع)
واي خدمه ثانيه احنا حاضرين

روان بنت الكويت
مشكورة ياكويتية ياطيبة والله ماقصرتي00
بس أسعار السيارات اللي ذكرتيها فوق الطبيعي ومستحيلة
خاصة الموديلات 2002, 2003, 2004
أكرر شكري لك وربي يحفظك من كل مكروة00

بالنسبة للإكسبلورر تقريبا من 3400 دينار إلى 5000 وطبعا حسب نظافة السيارة وهل هي من الوكالة او وارد امريكا .
الإكسبيديشين ما أدري كم بالضبط ولكن سعره أغلى شوي من الإكسبلورر ممكن من 4500 إلى 6500
بس سؤال أخوي إنت من أي بلد

فهد الأحمد
ألف شكر لك ياأطيب فهد00
أنا من بلدكم الثاني السعودية00
بصراحة أسعاركم شوي غالية مو زي ماسمعت!!
ولاعليك أمر إيش أفضل وكالات لبيع السيارات الكويتية وأيضاً وارد أمريكا
وإيش الفرق من ناحية السعر والجودة ؟
وإيش رأيك بالسيارات الموجودة بحراج أمغرة وهل تفرق بالسعر
وياليت تعطيني أرقام لبعض الوكالات 0طبعاًإذا مايكلف عليك00
وهل فيه صحف خاصة لإعلانات بيع السيارات؟؟
مانستغني عن نصائحك00
,,,,,,,,
ملاحظة00
زمان كنت أحب الكويت وأهلها00
بس ألحين محبتي للكويت ماتوصف00والسبب حرمة كويتية تزوجها سعودي وجت عندنا بالسعودية
من جد بحياتي ماشفت أطيب من ذيك الحرمة((انسانة خلوقة ,وخدومة ,وطيبة, وملتزمة وفوق كل
هذا حافظة لكتاب الله والكل يحبها ودعوتها مستجابة 00ماشاء الله تبارك الله 00الله لايضرها00

العفو أخوي وحيا الله أهل السعودية
شوف عندا مكاتب لبيع السيارات المستعملة موجودة في منطقة حولي وميدان حولي وبعض المكاتب في السالمية هم اللي تخصصهم أمريكي سواء وارد أمريكا أو من الوكالة (اي من الوكيل بالكويت) ومثل ماقلت لك السعر يختلف حسب نظافة السيارة وموديلها .
انا اليو مبالصدفة شفت بأحد الجرائد الإعلانية إكسبلورر موديل 2002 بسعر 3400 دينار
وهو سعر المعقول لهذه السيارة كونها مرغوبة عندنا (ليس بسبب فخامتها ) فهي سيارة بها مميزات اساسية (اي أقصد إنها عادية مو مزودة بخشب او سي دي أو غيرها من الكماليات) لكن لأنها مثل ما يقولون كد ومد وما تقول أح (هاها) يعني عملية .
عموما هناك العديد من الصحف الإعلانية تلاقي فيها سيارات مستعملة إنت تختار وتتفق مع صاحب السيارة ومن ثم تفحصها بأحد الكراجات المتخصصة بسعر لا يتجاوز 30 دينار فحص بالكمبيوتر شامل كامل .
وما انصح بكراجات أمغرة لعدة أمور :
1- يكثر فيها النصب .
2- طريقة التعامل مو جيدة.
3- عادة لا يختلف السعر بامغرة عن الوكالات أكثر من 100 أو 200 أو 300 دينار بحد اقصى)وممكن تحصل سعر ممتاز وأحسن حتى من أمغرة من الشخص البايع مباشرة
وأي سؤال حاضرين

بالنسبه للمحلات في السالميه او حولي قررت البلديه اغلاقهم نهائيا
الحين تشوف السيارات في شرق او الري وهي سيارات مستعمله سواء بالكويت او وارد امريكا
واسعارعن تتفاوت من 3000 الى 5000
وطبعا غاليه اذا تبي الرخص روح قطر ارخص بس قطر مشكله السيارات اللي فيها من الرطوبه تتواكل من تحت
وعندنا مجلات اعلانيه اسبوعيه كل يوم مجله وهي مجانيه فيها كل السيارات اللي تبيها
او روح الوكاله نفسها عندهم سيارات مستعمله او استعمال مدراء الشركه تكون مكفوله وعندك بعد بيت التمويل الكويتي يبيع سيارات مستعمله تحت الكفاله

,,,,,,,,,,,,,
ألف شكر أخوي فهد وأخوي ناصر والله لساني عاجز عن شكركم00
وإذا حبيتوا أ أي خدمة من السعودية أنا تحت أمركم ومن عيوني الثنتين00
:smile001:

أوه خبر جديد يالعميد (إشرايك بالسجع )
وهل القرار تم تطبيقه أو بعد ؟؟؟