لو أني عارف كان سجلت بمعرف بنت علشان الشباب يردون علينا
عموما نرجع نقول up

شبابok
السلام عليكم ورحمة الله وبركاته وبعد :
أس ع د الله ايامكم بالخيرات احبتي
إن شاء الله بعد شهر رايح أسافر لبنجلور ولمدة 10 -11 يوم
وذلك للعلاج في أحد المستشفيات هناك
اتمنى من خبراء بنجلور مساعدتي في أفضل الاماكن للسكن
علماً بأن المستشفى يقع في منطقة إنجراندر او إنقرادن
أسم المنطقة زي كذا تقريباً
فياليت تنصحوني بأفضل الاماكن للسكن
وأفضل المطاعم والأسواق
وكم تتوقعون التكلفة طبعاً بإستثناء العلاج
انا وأخوي
والله يجزاكم الف خير ويفرج همومكم ويوفقكم
أخوكم شب ok اب
==========================================
هلا وغلا اخوي ويارب يشفي مريضكم
اخوي ابيك تتأكد من اسم المنطقه هل هي اندرا نقر ولا لا وياريت تكتب اسمها بالانجليزي
اذا كانت هي فمرة لاتشيل هم لانها منطقه جدا راقيه وحلوة وفيها كل شي يخطر في بالك
بيتزا هت وكنتاكي وفيها شارع اسمو 80 فيت رود في مطعم لبناني اسمه المزة
انت بس تأكد لي من هالموضوع وحدد لي وقت زيارتك وان شاء الله اشوفلك سكن مرتب فيه وياريت تعطيني معدل إيجار السكن اللي تبغونه يعني اكثر شي كم عشان اشوف لكم
وياريت كمان تقولي اسم المستشفى عشان اذا في سكن قريب منها نحجزة
ومالك الا طيبه الخاطر
الله يسهل دربك ويشفي مريضك
اختك مسافرة للحياه

اول شي الله يجزاك الف خير اختي مسافرة الحياة
وبيض الله وجهك وعز الله انك كفو بتأكد والله يعين قلبي على نطق الدكتورة
تحياتي لك وبإذن الله بوافيك بكرا ان شاء الله

شبابok
========================
ولا يهمك ياغالي تفريج الكرب وقضاء الحاجه من الاشياء المحببه لرب العالمين ونتمنى وندعوا الخالق انو يرضى علينا
واذا كانت الدكتورة في الهند اعطيني اسمها ورقمها وانا حكلمها وحشوف فين المنطقه بالضبط واعطيني اسم المستشفى
ومالك اللي يجيب لك مكان المستشفى
الله يقويك
اختك مسافرة

هذي المعلومات عنها ومايحتاج تتعبين نفسك اختي
Indiranagar
Enhanced Health Care Hospital
212/ A, 1st Main, 2nd Stage
Domlur, Bengaluru, Karnataka 560071, India

• مدة الاقامة: 12 يوم والمهم ان يكون الفندق راقي ونظيف ومايهم سواء 4 او 5 نجوم
• الاجواء بشهر جولاي او 8 هجري
• فارق التوقيت بين السعودية وبنجلور
• نصائحك وارشاداتك وهل كيرلا قريبه من بنلقور وهل يمكن ان اقوم بزياة خطافيه لها

شبابok هلا وغلا اخوي
ابشرك المنطقه جدا راقيه لاتشيل هم وقريبه من سكني
خلاص ان شاء الله بكرة وانت طيب برد لك خبر
الاجواء حلوة دائما في بنقلور مافي حر مرة ومافي برد والمطر ماشاء الله
شوي تلاقي شمس حارة وعشرة دقايق تلاقي مطر الله يكفينا الشر
بس ممتعه
كيرلا انصحك طيران قريبه جدا لكن بالسيارة اتوقع 5 ساعات وتعتبر كيرلا من الجنوب مع القوم >>>قصدي بنقلور قومنا احنا
لاتشكر احنا بيجي علينا يوم ونحتاج ونتمنى نلاقي مين يساعدنا
اختك مسافرة

هلا وغلا اخوي
اليوم طلعت ورحت للمستشفى نفسها وزي ماقلت لك المنطقه مرتبه وحلوة وتعتبر من المناطق الراقيه والحين يسوون فيه المترو الجديد
شفت لك 3 فنادق
في فندق بين المستشفى وبينه بالسيارة يمكن دقيقه وهذا اانا شفته مناسب واسعاره حلوة
اسمو shanthi residency
الغرفه للفرد 2750 وللشخصين 3000 طبعا روبيه
ولهم موقع بالنت
shanthi residency.com
المكان نظيف ومااكذب عليك تراه مو خمس نجوم بس يلبي الغرض وبصراحه الشارع هذاك فيه كل اللي تبغاه
سوبرماركت كوفيهات وسوق
الثاني اسمو ليلا بلس وهذا مو خمس نجوم الا سبع نجوم وبصراحه حلو لكن مو قريب من المستشفى يبغاله حق ربع ساعه والليله الوحده حدود 1600 سعودي وبصراحه حلو لكن مايستاهل ادفع هالمبلغ الا اذا بجلس بالفندق وانا طالعه طول الوقت
على فكرة مين اعطاك المستشفى هذي ؟
تراها مو مستشفى زي اللي في السعوديه ياحليلها صغنطوطه خالص
على فكرة فارق التوقيت ساعتين ونص يعني اذا عندكم 12 عندنا 2 ونص
اتمنى اني قدرت افيدك ويارب تتسهل امورك واي استفسار او محتاج حاجه مالك الا طيبه الخاطر
اختك مسافرة

الله يعطيك العافية اختي وما قصرتي
بس بصراحة shanthi residency اقل من متواضع ام والمشكلة حتى نت مافي
وليلا بلاس ام هذا يبغاله ورث ههه لكن والله ماقصرتي والله يوفقك بدراستك ويسهل عليك امرك
بخصوص المستشفى انا بصراحه عندي انسداد بأحد الاوعية اللمفاوية
وأستفسرت من شخص عمه عالج عندهم وخف لكن اذا عندك اقتراحات ثانية
يشرفني أسمعها ام وبخصوص الفندق لا تشيلي هم انا بستفسر عن الموضوع اكثر
وألف شكر لك