KH3LID
13-08-2022 - 08:42 am
السلام عليكمَ
شالخبار ، أعلومكم الي بيساعدني قسمن قسمن بجيب له صوغه معي " بمعنى هديه يعني الي ما فهم معنى صوغه " ! الي يبي بس لا أحد يصير طعس ويثقل علي
الزبدة مالكم بالطويلة يا حلوين
أنا وخووي حبيب قلبي هو ووجهه يبينا نروح سويسرا وفرنسان عاد انا قلت وليه لا ماهو أحسن منا اللمبي راح سويسرا وفرنسا
عاد قلت مالي الا ربعي حبايب قلبي < أم المصلحه
في المسافرون العرب أكيد أنهم بيساعدوني ويضبطون أموري
شوفو انا تقريباً بجلس 14 يوم
وراح يكون تاريخ مغادرتي ف 1/9/2012
الى 14/9/2012
هل هذا الوقت مناسب يعني برد ولا حر علشان أكشخ وأدق الترنق حقي ههه والبس عاد مدري شتوي أشتري ولا صيفي وش أحلى مكان يبيع بدل في الدمام وش رايكم برامز < ههه لا جد وش أفضل مكان يبيع بدل حلوة
وبمشي من مطار الدمام ( عاد وش خطوطوه أروح عليها أوفر شي ولا تهبد فينا ونطيح )
علماً أني أول مرة أسافر الدولة الاوربية اذا ما قلنا تركيا
أبي برنامج حلو حق هستره ووناسه بالحلال طبعاً ووين أسكن وسكن حلو ولا هو غالي ولا هو رخيص يعني فيها من الفاخمة الشي الكثير وفيه من التوفير الشي الكثير بعد
وكم الميزانيه للشخص الواحد تكفي 25 الف ريال ولا ما تكفي من غير تذاكر السفر طبعاً
وش الي مطلوب علي الفيزه بخلي مكتب سياحي يضبطها لي انا وخووي
وين تنصحون ندج والقطار من وين اقص تذاكرة وبكم اذا جيت اهيت في سويسرا ورايحن لفرنسا
ووين أفضل مكان تأجير السيارة وهل معه نفقيتر ولا شسالفه ولا اطلبه منهم ويمصعونه من أظهري
ياليت تفيدوني عاد لا أحد يجحدني ! ترى الي يقراء الموضوع ولا يرد ترى بسرق أيميله < أبتزاز ذا ههه
ترى نصكم اجازات وفاضيين عاد لا وصيكم ساعدوني help my
