و عليكم السلام ......... هلا ببومحمد
أولا فندق رخيص في موقع استراتيجي صعبة ...... لندن نار و خاصة في الصيف
كم تبغى تدفع في اليوم ؟ ............
الفيزا من القنصلية البريطانية في شارع السد خلف السوق اللي فيه الطايف
و الله أعلم ارخص فيزا أبو سنة بس اذا ناوي تكرر خذ أبو خمس ........ اذا ما تغيرت الأسعار بين 100 - 500
المتطلبات صور و فلوس ....... و الجواز ......... أتصل بيقولون لك ......
في نفس الزيارة عبي الطلبات و عطهم الجوازات
بالنسبة للتعامل أسال كيف اللندنيين يعاملون الأنجليز ........ لأن الأنجليز شردوا من لندن
و حاليا حنا شغلين على تشريدهم من بريطانيا ........... قاموا يشترون بيوت بدبي ......ههه
بس النصيحة اذا بتجي لندن جهز الخردة و الله يعينك ........
تحياتي

شكلي شكليت فكرت لندن من مخي . شكراً لك

فيه فندق رخسص يم هايد بارك على الشارع موقعه حلو بس
اقل من عادي
يعني بصراحه مو شي
بس موقعه حلو
اسمه هايدبارك هوتيل
انشالله بدور موقعهم واحطه في المنتدى

أخوي بومحمد في لندن ما في مشكلة في السكن يعني ممكن تسكن خارج لندن وتروح أي مكان تباه لأن عندهم شبكة مواصلات روعة
في فندق رخيص وثلاث نجوم بس نظيف وفي منطقة ممتازة
http://www.parkinternationalhotel.com
وانصحك تحجز من موقعهم على الانترنت لأن الاسعار ارخص ( على فكرة اسعار الفنادق في لندن تتغير من يوم ليوم)
واول ما توصل المطار اشتري خريطة كبيرة للندن راح اتحصلها عند شباك المترو في المطار وسعرها جنية واحد بس بسيطة وتقدر عن طريقها تروح اي مكان بروحك بدون ما تسأل وبدون حتى ماتحتاج اي تاكسي
وحاول تخلي طلعاتك بعد الساعة 9 صباحا لأن اسعار التذاكر للمترو تكون اقل
واما بخصوص معاملة البريطانيين للعرب فهي عادية جدا اصلا الناس هناك مشغولة بحالها ومب فاضيين حق حد واذا احتجت شي فما عليك الا انك تسألهم وراح يساعدوك
واي مساعدة انا حاضر

للاسف مالقيت موقع الفندق
بس فيه واحد حلو وموقعه روعه ( صاير بالمثلث بين اجوررود وكسفورد ستريت ) ولاصق في فندق تشرشل
اسم الفندق هو :
Radisson SAS Portman Hotel
وكل شي قريب عندك كوينز وي وهايد بارك والاسواق تروح لها مشي
بس كم الميزانيه اللي انت حاطها للسكن وكم يوم بتقعد في لندن ؟

السلام عليكم ورحمة الله وبركاته ،،،
أخوي بو محمد بالنسبه للفنادق بلندن اذا كانت بالشارعين المهمين مثل أكسفورد وادجوارد رود فيكون غالي تدري هناك الخليجيين متواجدين كأنك عندنا وتكون بعز السوق وروعته والمقاهي فيه باجوردرود اخره هيلتون متروبول وايد حلو بس مو رخيص كلش يعني وعندك بإكسفورد ستريت كمبرلاد هذا أرخص واحد بالشارع وهذا عنوانه ورقمه
The Marble Arch, london W1
Tel: 0044207 - 262 1234
بالنسبه لاخوي مشعل عن الفندق اللي يقول عنه هذا رقمه وعنوانه
فندق هايد بارك
66Knightsbridge, London SW1
Tel: 0044207 - 235 2000
وعندك فندق هم بإكسفورد ستريت THISTL MARBL ARCH
TEL : 00448703339116
FAX : 00448703339216
هذا بصراحه حلو ورخيص ونظيف وتحته محل NEXT يعني موقعه حلو ويم كمبرلاند
اتمنى فدتك ولك تحياتي ،،،

اعتقد اي فندق تجده فس ادجوارد رود يعتبر مكانه مناسب
تحياتي