السلام عليكم ورحمة الله وبركاته
احيي جميع اعضاء هذا المنتدى الجميل
في الحقيقه انا مخطط للسفر الى اسبانيا في 23 ابريل (( يعني نهاية هذا الشهر ))
وبعد ماخلصنا امورنا وجمعنا اوراق الفيزا من اوراق وكشوفات وغيرها قالنا المكتب باالدمام
دقوا على السفاره عشان تاخذون موعد معاهم (( طبعا السفاره الأيطاليه وراح يعطونكم موعد ))
واحنا نفتكر انهم بيعطونا موعد عشان نستلم فيه الفيزا مادرينا ان الموعد اللي راح يحددونا لنا عشان
تسليم الجوازات بس :112: لان الله يهديه العامل الأسيوي اللي باالمكتب ماعلمنا باالسالفه
من قبل والا كان دقينا عليهم من بدري عشان يعطونا موعد ابكر
المشكله باالموضوع ان احنا دقينا ع السفاره بتاريخ 31 مارس وردت موظفه لبنانيه وقلنالها ان احنا نبي فيزا
وسفرتنا راح تكون بتاريخ 23 ابريل واخذت الاسماء وارقام الجوازات وعطتنا موعد بتاريخ 16 ابريل
يعني قبل موعد سفرتنا بأسبوع باالظبط يعني نقدم اوراقنا
يوم الاربعاء 16 ابريل وموعد رحلتنا الاربعاء اللي بعده بتاريخ 23 ابريل
قلنالها يابنت الناس غيري بدلي سفرتنا في 23 قالت والله ماكو غير هاالوقت قلنالها طيب لو جينا بأنفسنا
للرياض قالت ماراح تستفيدون شي لان النظام انك تاخذ موعد باالتلفون وتجي باالموعد المحدد
سؤالي هل تتوقعون ان الفيزا تخلص في هذا الوقت القياسي يعني في اسبوع
ارجوا سرعة الرد اذا عندكم خبره بهاالامور