1. الفيزا السياحية اكون فقط للسياحة وما يحق لكم الدراسة بها الا بشكل بسيط يكون 3 ساعات فقط في اليوم 5 ايام في الاسبوع وما تزيد المدة عن 3 اشهر !!
والدراسية ما تقدروا تروحوا بها فقط للسياحة !!
2. نعم من شروط الفيزا !!
3. تختلف كل له ميزاته وعيوبه اكتبوا المميزات التس تريدونها في الولاية وان شاء الله الاعضاء والخبراء ماراح يقصروا معكم !!
بالتوفيق

هلا بالغالي امباكت ..
اشكرك اول ع الرد و التجاوب يالغلا ..
يالغالي , اللي بيروح فقط شخص :$ .. محدثك .
وليست الا دراسة ل مدة 3 او شهرين في الصيفيه فقط ..بالنسبه للاجوبه ..
يعني يالغالي لما اقدم ع فيزا سياحيه .. ودرست بمعهد , هل ممكن المعهد يرفض ؟ و مثلا اكتشفوا اني ادرس بفيزا سياحيه عليها عواقب وخيمه ؟
ونفس السؤال بالنسبه للفيزا الدراسه .. يعني لو خلصت دراسه المعهد في الفتره المحدده .. وحبيت اتمشى اسبوع او ثنين للسياحه قبل الرجعه للرياض .. هل ممكن اعاقب عليها ؟
اما السؤال الثالث ..
والله انا عندي خلفيه جيده عن اميركا .. يعني من التقريرات , الافلام , المسلسلات .. كل شي يساعدني ع التعرف ع اميركا , عطاني فكرة جيده مقابل هالولايات ..
عموما انا افضل الولايات الشرقيه مثل .. نيويورك , واشنطن .. الشماليه مثل سياتل وغيرها ..
يعني وش الافضل للدراسه بنظرك استاذي امباكت ؟

بالنسبة للدراسة المفروض تكون بالفيزا الدراسية علشان تستفيد لانه كما ذكرت لك غير مسموح لك الدراسة اكثر من 3 ساعات في اليوم بالسياحية
والفيزا الدراسية يجب عليك احضار قبول وان يرسلوا لك ورقة اسمها i-20
بالنسبة للافضل للمعاهد والمدن لن شاء الله خبرائنا في الدراسة يفيدوك !!
بالتوفيق

يعطيك العافيه امباكت ع التجاوب ..للرفع يا اخوان لمن يمتلكون اجابه ع الاسئله المتبقيه ..

وشانطن ونيويورك وسياتل : الصراحه لو خيرتني اختار سياتل
سياتل تعتبر تاسع اغلى مدينة في الولايات المتحده الامريكية من حيث السكن واسعاره تبدأ من 700 دولار الى 900 دولار
للغرفتين والمعاهد كثرة للغة منها معهد كابلان : http://www.kaplan.com/pages/default.aspx
و معهد : http://www.els.edu/contents/index.aspx
وانا انصحك بالمعاهد الي تكون تبع جامعة عشنها راح تكون قوية
اي استفسار انا حاضر بعد صلاة الجمعه

السلام عليكم والرحمة الله وبركاته .
كيف حالك أخ وليد ، أنا مثل وضعك بالضبط ماتفرق الا بأشياء قليله
معزم على السفره على أمريكا وخصوصا ً أني أدرس في الجامعة قسم أنجليزي ، ملاحظ بأنك تشبهني بأشياء كثيره
وحاب تمارس طقوسك وأجواءك وأجازتك في أمريكا ، وباين عليك محتار جدا ً ..
//
في البداية أنا مخطط أني اطلع لأمريكا في الأجاره الصيفيه الجايه على بداية شهر 7
وأحترت في الفيزه هل هي سياحيه أم دراسيه وللعلم أني هنا ادرس انجليزي ومستواي لا هو متقدم ولا هو مبتدئ
يعني متوسط ولله الحمد .. ف بعد الأسأله والجهود في جميع المنتديات وترتيب الخطه وكتابة الأجتياجات في الأوراق
حليت المسأله بكل بساطه وسهوله .. لأني مريت بالمرحله اللى أنت فيها حاليا ً // كلمني ابو نسب من امريكا يحضر الدكتوراه
وعرف اني بسافر وقال لي نصيحه ، قال أنت ياسالم حرام عليك تخسر 30 الف ريال في شهرين وترجع لأنك انت في الأساس
تعرف اللغه الأنجليزيه ومو ناقصك حاجه تدفع للمعهد من 8000 الى 11000 مع سكن العائله وتضيق عليك الامور
قال حط فلوسك في جيبك وتعال على فيزه سياحيه ، فيه معهد أسمه المعهد السياحي لمدة 3 ساعات في اليوم يوميا ً
لمدة خمس أيام في الأسبوع مجانا ً .. ببلاش ، يعني لا تدفع ولا ريال ، معهد ممتاز جدا ً وخصوصا ً للى في مستواك ياوليد .. عنده خلفيه في اللغه
ومستواه متوسط .. صدقني راح تستفيد منه كثير في المحادثه وفي الأستماع وخصوصا ً أنو الأروبيين فيه المعهد بشكل كبير
الخلاصه .. أنت الحين مسكت العصا من النص وحصلت على السياحيه والدراسه .
واي سؤال انا حاظر لأني راح اسافر في الصيف بأذن الله على الخطه اللى كتبتها لك . وبالتوفيق عزيزي

ahmad059
اول شي حاب اشكرك يالغالي احمد .. وبنفس الوقت اعتذر عن عدم الرد , لاسباب خارجه عن ظروفي ..
بعض الاسئله البسيطه ..
نيويورك ليست مكان قابل للدراسه ؟ وسياتل هل بالصيف تكون ممطره ؟ لاني مثل ماسمعت انها ماطره اغلب فترات السنه ..
ومعهد كابلن او معاهد التابعه للجامعات .. فيه كورس صيفي ؟
واشكرك واعذرني مرة اخرى ع التأخير :$

mr-salem
ياهلا و الله و غلا ..
والله ردك مفاجئ وبنفس الوقت رهيب و مفرح قسم بالله ههه
فاهمني بقوه ..
انا والله حاب اطلع اميركا لحبي لاميركا .. ولقيت عذر الدراسه عشان اروح ..
نبدا نقطه نقطه ..
انا صحيح لغتي جيده جدا .. واعرف امشي نفسي و بالراحه برضوا .. يعني اموري ماراح تكون صعبه كثير , الا في الامور العلميه مثلا و الادبيه .. لاني اعرف اللغه العاميه السهله ..
يعني اتوقع المعهد او نقطة المعهد , بتساعدني بشكل خفيف جدا ..
هل المعهد الصيفي السياحي مجاني ؟ ووش يدرسون ووش طريقته ؟
وين اشهر المعاهد ؟ ياليت تعطيني فكرة مبسطه عن المعهد .. لاني ممكن اسحب معي واحد لو صار مجانا او شي .. ناخذها شهر وشوي سياحه و معهد .. ياليت تعطيني طريقته
ويعطيك الف عافيه .. واعتذر عن التأخير والله ..

أهلا ً وسهلا ً ..
بالنسبه للمعهد السياحي .. الى الأن ماأعرف عنه .. ألا المعلومات اللى قلتها لك
وأظن أنهم مايدرسون .. لأنو نظامه مثل المتحف أو ماشابه ذالك .. يجمعون ثقافات البلدان ويتكلمون عنها
بصراحه أعجبني طريقته .. ولو أنك معزم رح عندهم ساعه أو ساعه ونص أعتقد انه كافيه علشان ينطلق لسانك وتتحدث بشكل أسرع
وبالنسبه للنقطه اللى ذكرت ، دامك عاشق أمريكا واهلها صدقني راح تتعلم بسهوله
وأنصحك بشراء كتب شكسبير الأدبيه ،، أذا أنت مهتم بالأدب الأنجليزي
والله يوفقك وأن شاء الله نتقابل بالصدفه هناك .. *_^