السلام عليكم ورحمة الله وبركاته
عندي مجموعة أسئلة عن التسوق في ميلانو
- أول شي سمعت ان المحلات في ميلانو تقفل بعد تاريخ اغسطس و حتى يوم واحد سبتمبر !! هل هذا صحيح ؟
وهل صحيح أن الفترة من الي اغسطس تكون المحلات مخفضة كلها ؟
- نصحوني ما اتسوق في ميلان لان كل شي فيها غالي حتى أغلى من لندن ،، وقالولي لا تشتري منها شي و أشتري من الاوتلت بس ! هل هذا صحيح ؟
بصراحة أنا ما ابغى نفس الماركات الي موجودة عندنا بالسعودية خاصتاً إذا كانت بنفس الكولكشين والأسعار
- سمعت انه في أكثر من اوت لت ولكن أفضلهم سيرفالي ،، هل تنصحوني بالاكتفاء فيه ولا أزورها كلها ؟؟
- مدينة بيرجامو هل تنصحوني بزيارتها ؟ وكيف التسوق باوريو سنتر ؟
حالياً خطتي للسفر أوصل ميلان و بعدين بيرجامو ( طبعاً لو نصحتوني أزورها ) وبعد كذا للجاردا بعدين فلورنس بعدين روما ومن هناك أرجع
ما حددت عدد الأيام في كل مدينة لاني محتارة ومتلخبطة بالبداية بصراحة ،، و ياليت تنصحوني واذا عندكم اقتراحات جيدة للسكن أشخاص في منطقة أمنة في هالمدن الي ناوية أزورها ..
التسوق بميلان متعه وفيه الغالي وفيه اللى نفس بقيه الدول اسعاره ماركات ميلان حتشوفي اشياء جديده ماشفتيها بالخليج
والتسوق متعه في ميلان بكل شارع تدخلين بتلاقين ماركات
وحول الدومو حدثي ولا حرج
بخصوص المدن
اذا معكم سياره حلو تزورون المدن اللى ذكرتوها
والمحلات تقفل فقط يوم 15 و16 هذا عندهم اسمه يوم السيده العذرا بقيه الايام مفتوحه
والتخفيضات بتلاقينعا غالبا تبدا من شهر 7 الى نهايه 9
بيرجامو تستاهل الزياره السريعه فقط
جاردا خلي لها 4 ليالي عشان تزوري معها مدينه فيرونا ويوم فينيسيا
الاوت لت جيد عالعموم ويستحق الزياره وتغيير جو بس مو كل وقت تروحين له ممكن تلاقي اللى تبين
احيان يكون ليس لديهم الا ماهو قديم او مقاسات كبيره
بقيه المخطط ممتاز
اهم شي الشقه هل لكم مده محدده لكل مدينه وهل لكم سعر محدد للدفع بالليله