السلام عليكم ورحمة الله وبركاته
1- نعم يوجد كرت لدخول ماليزيا ولا فيه اي مشكله بس الأسم والعنوان وبعض
المعلومات البسيطه جدا ماياخذ تعبيته 10 دقائق ولو ماعرفت ممكن يعبونه لك بالمطار
2- فندق أستانا كثير الشكاوي عليه وهو فندق عادي جدا 5 نجوم ولكن لا يرقي للخمس نجوم
شوي مستهلك لو تاخذ غرف كلوب او سويت ممكن تكون افضل من غرف ديلوكس
ونصيحه لو باقي ماحجزت بتحصل بسعره افضل منه مثل رويال شولان والبارك رويال و الكراون بلازا
3- السعر تقريبا من 85 إلي 120 رنقت تختلف انواع التاكسي
4-
وبالنسبه لكوالالمبور
الأماكن كثير في كوالالمبور عندك اهم شي البرجين ومجمع سواريا وحديقة
البرجين بعد العصر جميله جدا جدا وفي نفس منطقة البرجين عالم تحت البحار الأكوريم
و فيه شارع العرب في الليل أسواق ومطاعم ومقاهي وحركه ووناسه
وتخصص يوم لجينتنق من الصبح للمساء وعندك مجمع التايم سكوير يستحق الزياره سوق والعاب وفندق
وعندك برج المناره وبالنسبه للحدائق لو تحبها عندك حدائق الفراشات والطيور والزهو تروح لهم
بنفس الوقت مع حديقة بردانا وفيه عندك حديقة الحيوان حلوه مش كبيره مره ولو بتروحون لها تروحون
لشلالات تمبلر بارك مو بعيد مره منها وهي شلالات مريحه الطلوع لها سهل مو متعب
وعندك منطقة بوتراجايا منطقة الحكومه الجديده لو عندك وقت فاضي ممكن تروح لها منطقه جميله وهادئه
اغلبها مباني حديثه حكوميه وفي الرجعه ممكن تنزل بمجمع الميدفالي ميقامول من اكبر المجمعات في آسيا
وعندك أفاموسا انا اشوفها عاديه ولكن ممكن تعجبك فيها عروض كابوي وسفاري وحديقه بسيطه والعاب مائيه
يبي لها يوم كامل وهي خارج كوالالمبور بحدود ساعه ونص تقريبا
وفيه بعد مطل ومطاعم اسمه لوك اوت بوينت جميل جدا قبل الغروب والعشاء مايتفوت
والأسواق كثير مثل مجمع سواريا البرجين والبافليون مراكات وفيه التايم سكوير والبي بي بلازا اسعارهم معقوله
وفيه خارج كوالالمبور شوي الميدفالي ميقامول كبير و منوع 10 دقائق من شارع العرب
وفيه اسواق كثير لكن هذي المشهوره والمعروفه
5- الأفضل تحول نص المبلغ من هنا لرنقت و تخلي معك كاش سعودي تحوله من هناك وقت الحاجه
ويكون معك بطاقات صراف للإحتياط لو احتجتها هناك تصرف