اشهر اماكن بيع الأقمشة هي السوق الهندي بجوار المسجد الهندي ويقع خلف السوق الصيني وممكن بعض الأخوة يفيدونك
تحياتي

وعليكم السلام ورحمة الله وبركاته ...
حياكِ الله اختي reeba ونورت بين اهلك وناسك .
بالله عجبكِ المنتدى ...الله يسلمك اختي و لا تحرمينا مشاركاتكِ .
اختي ...اجاب اخونا الوطواط الله يسلمه عن استفسارك وحبيت
اضيف بعض الاضافات الله يسلمكم جميعاً .
الاقمشة بماليزيا روعة يا اختي ...مفروض يوظفوني في الدعاية لماليزيا
عندك يا اختي بالقرب من مسجد هنديا ...اتفرجي اول شيء وبعدها
قرري واشتري ...وعندك الخط اللي جنب مركز(سوقو) تلاقين الكثير
من البوتيكات ...وتراهم قريبيين من بعض ...الماليزيات يشترين
(kain batik) اسألي عنها وخبريني وش رايك عند رجوعك
بالسلامة لنا ان احيانا الله لذاك اليوم .
عن نفسي اتجه لشراء الاقمشة لولاية كلنتان ...لانه حريره اجود
ورسمه باليد ...ترنجانو رسمهم افضل لكن صعب تلاقينه ان ما كان عندك معارف بالمنطقة
وتقدري تشتري بالمتر وغالباً يكون جاهز ومقصوص لاجل ثوب كامل
حق الثوب الكامل الممتاز عندك من 180-480 ريال حسب القماش .
وان كنتِ متزوجة او ودك تعطين هدية للوالد الله يحفظه عندك قماش باتيك
رجالي ...لو انك شفتين الوزراء الاندونيسين او قميص نيلسون مانديلا
الي كمه طويل ترى هو ...القماش للقميص من 180-400 ريال .
وان بغيتي ادلكِ على بوتيك يقدم اقمشة رجالي وتفصيلها تراني مستعد
ويكلف القميص مع التفصيل 480 ريال .
موفقة اختي بأذن الله ورحلة سعيدة والسلام عليكم

يعطيك العافيه أخوي الشعيبي على الشرح الوافي
صراحه ماقصرت
الخبره دائما تطلع وتبين مشكور مشرفنا

أشكركم على الرد الحلو والسريع وما قصرتو .... الله يوسعها عليكم دنيا وآخرة ...
أنا ان شاء الله تعالى مسافرة باكر ... وأتمنى لكم كل الخير ...
يا أحلى منتدى ....!!!!
م السلامة ع .... !!!!