ماعيك اخي الاخوان بيردوا عليك
لكن وينهم شكلهم نايمين اليوم ههه

والله مو نايمين لكن بالنسبه لي ....
تعبان شوي و ما أبي أرد الا و أعطي الإجابه الكامله عشان كذا أبي أروق و أعطيه رد تمام التمام .....

1. وش رايك ؟؟؟


2. و لا تعتقد أنك راح تمل روما لوحدها تقدر تجلس فيها شهر و ما تمل ......

بسم الله الرحمن الرحيم
السلام عليكم ورحمة الله وبركاته
و عليكم السلام ورحمة الله وبركاته ....
إخواني واخواتي رواد هذا المنتدى الطيب .. تحية طيبة وبعد ..
حركات مقدمه والله قلت هذا بيكتب تعبير
أخطط في هذا الصيف للسفر إلى إيطاليا
و نعم التخطيط
.. وهذي أول مرة بزور فيها إيطاليا . .
و ما اظن تكون الاخيره بتصير مدمن ايطاليا
فجمعت مجموعة من المدن إللي سمعت أنها أفضل الأماكن الإيطالية .. ولأنني برووح مع واحد من أخوياي - يعني عزاب بدون عوايل ولا بزران بيكون التنقل سهل إن شاء الله
أخوي التنقل الكثير لا أنصح فيه أبد .....
يعني أنا عارف أنك بتروح للمدن كلها عشان ودك تشوف المناطق و المدن لكن هذا راح يأثر على كل مدينه تزورها ....
بما أنها أول سفره لك و المده 13 يوم خلها على 4 مدن أو 5 بالكثير ......

وش رايك ؟؟؟

و لا تعتقد أنك راح تمل روما لوحدها تقدر تجلس فيها شهر و ما تمل ......

إذا ممكن واحد يعطينا المسافات بين هذي المدن الإيطالية .. وكيف ابدأ بترتيبها .. لأني ودي امشي بالقطار بينهم ,,, بحيث أني ابدأ من مدينة فيها مطار دولي .. وأنتهي في مدينة فيها مطار دولي .. والمدن هي كالتالي ,,:-

• روما
• ميلانو
• فينيسيا
• ريميني
• ريتشوني
• باليرمو
• الريفيرا

في ايطاليا مافيه الا مدينتين فيها مطار دولي وهي :: روما -- ميلانو .......
يعني راح تبدا الرحله من روما و تنتهي في ميلانو او العكس ...
لكن باليرمو ترى بعيد عن كل المدن الي ذكرتها ...
وش رايك تمسحه من القائمه ؟؟؟
االترتيب على النحو التالي ::
روما -- ريتشوني -- ريميني -- البندقيه -- الرييفيرا -- ميلانو
وإذا كان واحد عنده مدينة ما ذكرتها ويشوفها تستحق الزيارة .. فممكن أنه يفيدنا ..
أخوي انت نسيت وحده من أهم المدن في ايطاليا ::::: فلورانسا :::::: يبي لك يومين فيها و منها تزور برج بيزا المائل ......
وصراحة أنا بالنسبة لمدة الجلوس في ايطاليا .. 13 يوم .. وموزعة بين المدن على الترتيب التالي
يومين - روما
يومين - ميلانو
يومين - فينيسيا
يومين - ريميني
يوم واحد - ريتشوني
يومين - الريفيرا
هذي 11 يوم باقي يومين .. وين أحطها .. و أسمع عن البحيرة وما أدري وش البحيره .. يقولون فيها ملاهي مائية وفيها تلفريك .. وو ما أدري وش تطلع وش رايكم بالتوزيع بعد .. مناسب وإلا ما يصلح .. ؟؟
خلني أقول لك الترتيب المناسب وش رايك ؟؟
الوصول إلى روما و المكوث فيها لمدة 3 أيام ....
الانطلاق من روما والذهاب إلى بيزا و مشاهدة برج بيزا المائل ثم الذهاب إلى فلورانسا لمدة يومين
بعد فلورانسا تتوجه إلى ريتشوفي و ريميني و المكوث فيهم لمدة 3 أيام
بعدها تتوجه إلى البندقيه وتمكث فيها مدة يومين
و بعدها تتوجه إلى الرييفيرا لمدة يومين و تتوجه إلى ميلانو ولا تجلس فيها الا ساعات بسيطه لمشاهدة ساحة الدومو و ترجع بعدها بحفظ الله و رعايته .....
قول لي رايك في البرنامج و اذا تبي تغير ماعندي مشكله .....
وهل ممكن أني أنتقل بين مدينة وأخرى عن طريق البحر .. - يعني مرة وحدة بس .. عن الخاطر ووش المدن اللي انتقل منها إلى مدينة أخرى عن طريق البحر . .؟؟
وأعتذر على الإزعاج والإطالة والله يجزاكم الخير
بالنسبه للتنقل عن طريق البحر مستحيل ل برنامجك ......
لكن ممكن نغير في البرنامج عشان نخليه يتناسب مع البحر ......
لكن لا تعتقد أن رحلة البحر خياليه و انها مميزة و و و.........الخ .....
انت شوف الي يناسبك و كلنا في خدمتك اخوي .......
و مافيه ازعاج ولا إطاله ولا شي ......
و مانبي منكم الا الدعاء ....
محبكم : مجوال

والله ما تقصر أخوي i6ali .. بس وش رايك بالتعبير .. أنا يزعط بصير رسمي شوي
المهم .. إن شاء الله ننبسط في ايطاليا ..
أخوي ما تنصح في التنقل .. ؟؟ الشي الثاني أنا ناوي لو ابي انتقل بنتقل بالقطار ممكن أنتقل عادي وانقل عفشي معي .. وإلا القطارات ما فيها اماكن للشنط ؟؟
أخوي أنت رتبتهم لي على الترتيب التالي
روما -- ريتشوني -- ريميني -- البندقيه -- الرييفيرا -- ميلانو
بس لمن قلت لي أعطيك برنامج .. ما ذكرت ريتشوني ولا ريميني .. !! وإلا تشوف انهم ما يستحقون الزيارة ..
وبالنسبة للبرنامج اللي عطيتني اياه ممتاز .. بس ما أدري كانه شوي على ميلانو ساعات بس ؟؟ وإلأ وش رايك أنت ؟؟
وما تقصر والله أخوي ..
مجوال

والله ما تقصر أخوي i6ali .. بس وش رايك بالتعبير .. أنا يزعط بصير رسمي شوي
ترى أنا أسوي شباب و حركات لكن ما حولك أحد ياليت تكلمني ب أسلوب الشياب وش معنى يزعط ؟؟
المهم .. إن شاء الله ننبسط في ايطاليا ..
ان شاء الله ....
أخوي ما تنصح في التنقل .. ؟؟ الشي الثاني أنا ناوي لو ابي انتقل بنتقل بالقطار ممكن أنتقل عادي وانقل عفشي معي .. وإلا القطارات ما فيها اماكن للشنط ؟؟
أيه ما أنصح بكثرة التنقل حتى لو كنت شاب و مامعك حريم و بزران ......
و أنا أنصح بالتنقل و زيارة المدن لكن مو بصوره مستعجله و كثيره .....
القطارات فيها أماكن للشنط لو تجيب معك شنطتين مو شنطه ......
أخوي أنت رتبتهم لي على الترتيب التالي
روما -- ريتشوني -- ريميني -- البندقيه -- الرييفيرا -- ميلانو
بس لمن قلت لي أعطيك برنامج .. ما ذكرت ريتشوني ولا ريميني .. !! وإلا تشوف انهم ما يستحقون الزيارة ..
أخوي ارجع للرد و اقراه زين انا ذكرت هالمدينتين و قلت أنك تجلس فيهم 3 أيام .....
لكن غلطت في ريتشوني و كتبتها ريتشوفي !!!
وبالنسبة للبرنامج اللي عطيتني اياه ممتاز .. بس ما أدري كانه شوي على ميلانو ساعات بس ؟؟ وإلأ وش رايك أنت ؟؟
ميلانو مافيها شيء يستحق الزيارة أبدا الا للحريم الي يحبون الأسواق أو مدمنين كوره يبون يزورون المتحف والا نادي الميلان والانتر .....
المكان الوحيد الي ممكن الواحد يزوره هو ساحة الدومو فقط !
وما تقصر والله أخوي ..
مجوال
تحت خدمتك اخوي ....

اخوي الغالي .مجوال
لاكلام يااتي بعد كلام ايطالي
واظن انا المعلومه وصلتك كامله
كان ودي اني اخدمك لاكن اظن مادم ايطالي موجود ماراح ناكل عيش
المهم اخوي مجوال اذا نقص عليك اي شي انا والموجودين تحت امرك ياعسل

ميلانو
خلاص يالغالي ما راح اجاوب على شي ......
نفتح لك المجال

الله يخليك لنا i6ali ووالله انك نشمي وما تقصر وهذا من طيبك .. وبالنسبة لرتشوني .. انا شكلي ما نتبهت لها .. طيب ريتشوني وريميني قريبين من بعض ؟؟ وين تنصحني اسكن ؟؟ في ريميني وإلا ريشتوني .. وإلا يومن في وحدة ويوم في الثانية ؟؟
وبالنسبك لأخوي ميلانو .. والله أحرجتني بكلامك الحلو .. ووالله انك ما تقصر .. وقريت لك مواضيع وماشاء الله عليك كلامك حلو ..
واصبر على رزقك .. لا تخاف ابسأل كثير وبغثكم بالأسئلة .. اهم شي بس وسعوا صدركم علي
مجوال

الا صحيح يا شباب .. وش رايكم بالخطوط الإيطالية .. زينه .. وإلا سيئة .. لأني احتمال اطلع فيها من امستردام إلى روما .. وش رايكم فيها ؟؟