1. حلمي اني اذهب الى هذي الجزيره بس للاسف ما رحت.


2. اما في المطار :

مرحبا وهلا وغلا.
ان شاء الله اني اقدر اجوب على اسالتك ياالغالي:

• إذا رغبت بزيارة باندونق بواسطة القطار من أين أركب ؟؟ هل من جاكرتا فقط !!

انا ما جربت القطار.بس هو من جاكرتا واذا نويت تروح لا تفوتك تحجز على الاكزكتف. سرعه تقريب 45 ريال اذا ما ني غلطان .
بس لو انا اروح بالسياره لانه ماهي بعيد من الجبل 180 كيلو فقط ومن جاكرتا 280 كيلو.
2- أريد إسم أفخم شقق في جاكرتا .. تحتوي على جميع المرافق والخدمات .. أكرر أفخم شقق .. وياليت تعطوني كذا إسم
الشقق الفخمه كثيره ياالغالي. بس احب اعطيك ملاحظه صغيره. ترىكل الشقق اللي في اندونيسيا فيها عيب واحد فقط ا هو:
بما انكم شخصين فااكيد انكم راح تاخذون شقه غرفتين فقط. انتبه ترى الشقق هناك تصميم عالي . يعني الشقه فيها غرفتين واحد ماستر كبيره او فيها سرير دبل اما الثانيه راح تكون صغيره وغالبا فيها سرير سنقل يعني حق شخص واحد فقط ولا يقدر ياخذ راحته فيه.
انا سكنت في استون ارسونا وجهتني هذي المشكله. فاالافضل انك تدور على الشقق. على فكره انا حجزتها من مكتب كاها اللي في مطعم اميره في شارع رادين صالح. وللا اسف اضحكوا علي. فاانت خلك ذيب. انصحك تستفسر من مكتب كاها اللي في المطار وتشترط عليهم ايورونك الصور. عشان ما تنخدع.
3- ماهي أفضل الشقق والمنتجعات في باندونق بحيث تكون قريبة من الوجهات السياحية مثل المياة الحارة وغيرها .. وأين تقع لمبانق وهل يوجد بها شقق فخمة .. مع ذكر الإسم لو تكرمتم.
4- أيهما أفضل في بالي لشخصين .. فندق أم شقق !! وهل توجد شقق فخمة قريبة من شاطيء كوتا !!

حلمي اني اذهب الى هذي الجزيره بس للاسف ما رحت.

5- ماهي أفخم فلل في الجبل .. وياليت تذكرون لي كذا إسم علشان أمر عليها وبعدها أقرر
كثيره ومختلفه وصدقني راح تسحرك فيللهم. مثل ميلتي . تاكساس وغيره. شوف روح للبقاله السعوديه واسال عن واحد اندونيسي نحيف طويل ملتحي اسمه عبدالقادر. ترى راح يسنع اموركم من ناحية الفيلا ونظافتها ورقاوتها وخدمتها.
6- إللي معاه لاب توب وش يسوي إذا بغى يطلع من الشقة أو الفندق ولا يبغى ياخذه معاه ؟؟
انا بغيت اخذ الاب توب حقي معاي. بس الشباب انصحوني اخليه خوف من السرقه. بس اغلب الفيلل في الجبل ما فيها نت.
7- هل بالإمكان تعديل حجز العودة على طيران الإتحاد من أندونيسيا ؟؟ كيف !!
تروح لمكاتب كاها في جاكرتا او الجبل قبل سفرك بيومين او ثلاثه وتعطيهم تذكرتك وتقولهم ابي اكد رجعتي بس ابي اعدل في الحجز. راح ياخذون منك بس 40 الف روبيه للتاكيد والظاهر 150 الف روبيه لتعديل يعني تقريبا 200 الف روبيه.
بس اهم شي ياالغالي لا تنسى سالفة تاكيد الحجز. ولا ترى بتروح عليك الرحله وما راح تحصل مقعد.
8- إقامتي 32 يوم .. كم بياخذون غرامة علي لليومين الزائدة .. وهل المسألة معقدة ولطعه في المطار وبلاك لست كما قرأت عن البعض ؟!
انا افضل انك تاخذ الفيزا من السفاره ياالغالي.
راح يطلبون منك تروح لمكتب الهجره اللي في جاكرتا اذا ما كنت غلطان. لان اقامتك صارت مخلفه لانظمة البلد. وراح تدفع فلوس هناك. صدقني لطعه من قلب

اما في المطار :

راح يدفعوننك عن كل يوم اما 25 دولا او 100 دولار .بس اهم شي انك لم تدفع الغرامه تاخذ منهم ورقه رسميه. الورقه هذي راح تحميك في سفراتك الجايه لانها راح تبين ان ما عليك اي ملاحظه وانهم ما حطوك في البلاك لست.
اغلب المشاكل تحدث عندما تعطيهم الفلوس ولا تاخذ اوراق رسميه. فالموظف يااخذ الفلوس ويقول لك ابشر امورك تمام. بس بعد ما تمشي من عنده يحط الفلوس في جيبه وانت يحطك على البلاك لست.
فاانتبه. خذ الفيزا من السفاره . .........وابعد عن المشاكل والازعاج. والتاخير.
آسف على كثرت الأسئلة ويعلم الله أنني قرأت الكثير من المواضيع والتقارير هنا لكنني تشتت كثيرا وأردت محصلة نهائية أطبقها في سفرتنا إن شاء الله ..
لا تعتذر نحن في خدمة بعضنا ياابوالشباب. بنسبه لتشتت ترى صارت معاي من قبل.
وتلاحظون أنني أركز على الفخامة لأن الحالة المادية ميسورة معي ومع زميلي في هذه السفرة ولله الحمد
احلى شي في السفر انك تعيش عيشة ملوك ولا تخلي في خاطر شي. فا متع نفسك ياعم بفلوسك. اذا تبي واحد شيلك شنطه او يوقف لك تكسي ترى انا حاضر ههه
تروحون ترجعون بسلامه. حقنا عليك هو التقرير الزين مع كثرة الصور.
وايضا دعوة المسافر مستجابه بااذن الله . فلا تنسانا من دعائك
وشكرا

بالنسبة للسفر لباندونق انا افضل بالقطار
والاكزكيوتف اللي هي الدرجة الاولى ب55 الف
افضل وارخص واسرع من السيارة
طبعاً المحطة فساد في فساد
وبتروح بيقولون لك مافيه تذاكر حتى يبيعوها عليك بسعر أعلى
فرق خمسة أو عشرة الاف ربية
يعني 4 ريال بالكثير ومو مشكلة أهم شي تطلع
بالنسبة للسكن قرب المياه الحارة
لازم تسكن في نفس شياتر
البركان يبعد عن شياتر ستة كيلو
ولمباك عن شياتر تقريباً 15 كيلو
شياتر قرية صغيرة هادئة فيها المنتجع المشهور والسكن فيه غالي وفيها فنادق رخيصة على هيئة شقق
وتبعد عن باندونق قرابة الخمسين كيلو
الأمر الآخر وهو تغيير الحجز لطيران الاتحاد
راح ياخذون عليك مبلغ قرابة ال195 دولار للشخص الواحد
لذلك اذا حبيت تعدل لا تروح للمكتب كلمهم تلفون
وقول راح ادفع في المطار بس عدلوا لي الان
من المطار احتمال كبير انك ماتدفع ولا دولار
مثل ما حصل مع اخوي قبل اسبوع وكانت خيرة من الله ماراح المكتب
وبخصوص زيادة الأيام
تدفع غرامة تتراوح من 10 دولار إلى 25 دولار
على حسب مدة تأخيرك ومزاج الموظف اللي في مكتب التأشيرات
موفق ...