هلا فيك أخي ، هل تريد الشراء بالجملة أو قطاعي بالحبة ؟؟؟

سعودي اوكيه
بالحبة بارك الله فيك

((ابو هادي))
في انتظار ردك بارك اللة فيك

هلا فيك أخي ، المعذرة لتأخري بالرد نظرا لظروف مرافقتي لعمي بالعناية المركزة منذ فترة ،،،
لعلي أتذكر قليلا .......
فيه محل مميز وأسعاره متوسطة وليست بالغالية مثل نعومي ولاسنزا ....
اسم المحل تقريبا ....... تي روز ..... متخصص باللانجري .... وهو قريب جدا من عطور باريس اللي بالزاوية ...
هاتف مجمع الحياة بلازا
038170000

أخوي بصراحه انامو من السعوديه
بس حسب علمي ان في محلات مارك وسبنسر ودبنهامز BHS- mother care
بتلاقي ملابس داخليه قطنيه للاطفال
وبالنسبه للكبار في ماركس وسبنسر شغلهم روعه خصوصا الداخلي
وايضا في ماركه try قطنيه ورائعه بس مادري وين تنباع عندكم
تقبل مروري

مادري اذا تبي ماركات او محلات عاديه بعطيك اللي عندي
في الظهران مول بالخبر+ بن خلدون بلازا بالدمام ( ماركس وسبنسر) وبصراحه ملابسهم الداخليه النسائيه من اجود شي بس غالي
في الظهران مول بالخبر +سوق السويكت = محللات نعومي - وعندهم اقطان
وفية محلات طابا على طريق الدمام-الخبر وهذي رهيبه واسعارها حلوه ورخيصه بس مو كل شي عندهم جيد يعني طابا عنده اشياء رخيصه مره واشياء اسعارها اعلى وتكون اجود وهذي الافضل الواحد ياخذ منها(والافضل الواحد يروح وسط الاسبوع لأن دايما زحمه وطق مطاقق)
فيه سبلاش موجود بمحلات ستي بلازا ملابسه النسائيه الداخليه قطن وممتازه واسعاره ممتازه بالنسبه لبقية الماركات وموجود بكثره
وهذا الي اتذكره

ماركة تراي الي ذكرها الأخ shjen موجوده ترا في طابا بس مو نسائيه للأولاد انا دايم اخذها لولدي من طابا بعد وممتازه في الاستعمال

مشكور أخي سعودي اوكيه بارك الله فيك ماقصرت
ونسأل الله ان يعافي عمك ويقومة بالسلامة ان شاءالله
============================
ماقصرت أخي shjen بارك الله فيك على الافادة
============================
بارك الله فيك أخي يارب الجنه ما قصرت
تقبلوا تحياتي