1. كل عام وانتم بخير وما استغنى عنكم ابدا


2. قررت اسافر لمملكتنا البحرين الحبيبة الله يحفظها من كل شر

كل عام وانتم بخير وما استغنى عنكم ابدا

قررت اسافر لمملكتنا البحرين الحبيبة الله يحفظها من كل شر

وفريت المنتدي قسم البحرين بالكامل وحسيت بلخبطة لمن شفت الخريطة كل شي بعيد عن الثاني وماادري وين الفنادق المناسبة للعوائل الرخيصة القريبة من معظم الفعاليات والمتنزهات والكافيهات الشيشة مع اطلالة بحرية وجو عائلي وشواطيء لنزول البحر للكبار واماكن للتمشية فيها ناس زحمة مثل المارينا دبي
البحرين صغيرة يعني لو تشوف الخريطة بتحس كل شي بعيد عن الثاني بس المسافات في الواقع قصيرة
اللي لازم تتوقعه الزحمة لهالسبب ضروري تحدد بالضبط ميزة الفندق اللي تبيه
مثلا السوفوتيل - ابعد الفنادق عن وسط المنامة
لكن يميزه انه منتجع والبحر وبركة السباحة حلوين
فندق الريتز كارلتون - في وسط المنامة وقريب جدا من المجمعات التجارية
مثل السوفوتيل عندهم شاطىء وبركة سباحة حلوة لكن اسعاره اعلى
فندق المريديان (كمبنسكي سابقا) مفتوح على مجمع الستي سنتر
لكن ما فيه شاطئ
فندق الدانة في المحرق بطريق المطار
عندهم شاطئ و بركة سباحة بس ما جربت الغرف و ما اعرف اسعاره
Fraser Suites
عند مجمع السيف - منطقة المجمعات
اسعاره ممتازة وقربه من المجمعات يضيف عليه
فندق الشيراتون - مفتوح على مجمع مودا مول
مجمع متخصص بالماركات العالمية
وغيرها من فنادق البحرين
يعني ضروري أول شي تحدد ميزة ما تستغني عنها أو مكان تفضله وبعدين تدور الفندق
وما ادري كيف اسافر من الرياض وماابغى اروح بسيارتي
هل اطلع بطيارة للدمام ومن ثم استأجر سيارة من المطار أم استأجر من البحرين ام استأجر سيارة من الرياض
للبحرين على طول
كيف احوال الجسر ومتى أحسن وقت للوصول للجسر تفاديا للزحام
الجسر دائما و ابدا زحمة
يعني اذا انت مثلي ما تحب الزحمة ما لك الا الطيران دايركت من الرياض للبحرين
تحياتي لكم جميعا ومنتظر

1. كل عام وانتم بخير وما استغنى عنكم ابدا


2. قررت اسافر لمملكتنا البحرين الحبيبة الله يحفظها من كل شر


3. وانت بخير وصحة وسعادة حياك الله اخوي بالبحرين ديرتك واهلك


4. كيف احوال الجسر ومتى أحسن وقت للوصول للجسر تفاديا للزحام


5. تحياتي لكم جميعا ومنتظر الرد

كل عام وانتم بخير وما استغنى عنكم ابدا

قررت اسافر لمملكتنا البحرين الحبيبة الله يحفظها من كل شر

وفريت المنتدي قسم البحرين بالكامل وحسيت بلخبطة لمن شفت الخريطة كل شي بعيد عن الثاني وماادري وين الفنادق المناسبة للعوائل الرخيصة القريبة من معظم الفعاليات والمتنزهات والكافيهات الشيشة مع اطلالة بحرية وجو عائلي وشواطيء لنزول البحر للكبار واماكن للتمشية فيها ناس زحمة مثل المارينا دبي

وانت بخير وصحة وسعادة حياك الله اخوي بالبحرين ديرتك واهلك

بالنسبة للسكن احسن منطقة تسكنها لابع ايام بتكون منطقة السيف او الجفير . بتكون اغلب المناطق السياحية قريبه تقريبا 5 الى 15 دقيقة سياقة . عندك كل الفنادق والشقق بكل الاسعار . لو معاك عائلة ممكن تاخذ شقه صغيرة اريح لكم .
وما ادري كيف اسافر من الرياض وماابغى اروح بسيارتي
هل اطلع بطيارة للدمام ومن ثم استأجر سيارة من المطار أم استأجر من البحرين ام استأجر سيارة من الرياض
للبحرين على طول

كيف احوال الجسر ومتى أحسن وقت للوصول للجسر تفاديا للزحام

تحياتي لكم جميعا ومنتظر الرد

نصيحتي تعال بسيارتك من الرياض بتحتاج مواصلات بالبحرين والجسر غالبا ايكون زحمة بالايام الاجازات واوقات الذروة . بس لو طلعتو من الاحد لين الاربعاء غالبا الزحمة اخف ( وطبعا الحظ يلعب دور) ممكن تنزل برنامج (زحمة او لا )بالتليفون علشان تقدر وقت التاخير .
لاربعه ايام اقترح عليك الجول التالي :
يوم في مجمع الستي سنتر تتمشون وتشوفون فلم في السينما واذا عندك اطفال في حديقة واهو المائية تفتح من الصباح 10 الى 8 مساء ماعدا يوم الاربعاء تصك 6 لان المسا يكون يوم للنساء
اليوم الثاني ترووحون متحف البحرين وبيت القران ومسجد الفاتح وبعدها تتغدون في منطقة العدلية وممكن بالمسا تروحون منطقة باب البحرين (السوف القديم ) وتجربون مطعم نصيف (مطعم شعبي )
اليوم الثالث : اذا معاك اطفال ممكن تروحون ارض المعارض خيمة نخول في الصباح وبعدها تتغدون في مجمع البحرين القريب من ارض المعارض او حتى تروحون الستي سنتر او السيف كلها بنفس المنطقة وفي بعض المطاعم والكوفي شبات قريبه من المنطقة بعد مثل لاشوكولا وغيرها .
اليوم الرابع الحديقة المائية جنه دلمون المفقودة هذي الحديقة بعيدة عن المنامة بس وايد اكبر واحلى من واهو الي بالستي سنتر وتحتاجون يوم كامل تقريبا لها من 9 صباحا الى 6 مساء . بعدها اقترح تروحون فندق السوفوتيل تتقهون او تتعشون عندهم لانه قريب .
ان شاء الله اكون افدتك ببعض المعلومات وان شاء الله اتكون رحلتك حلوة وتستمتع بالبحرين

ما قصروا الجماعة ربي يعطيهم العافية
ويوفقكم في رحلتكم يا رب

انصحك بزياره منطقه امواج لاغون صحيح الجو حار وغير مناسب للاماكن المفتوحه بس تقدر توصل للمكان اللي تبيه بالسياره
هناك عده مقاهي وعده مطاعم تستحق الزياره
1- انغام بيروت
2- ليلك
3- نادي الشاي ( تي كلب)
4- ام كلثوم
هناك لامازون كافيه في ضاحيه السيف واعتبره مناسب للعوائل ويفتح الى 2 صباحا
وهناك مطعم كورال البيه وهو لبناني بنفس طريقه لاميزون موجود في كورنيش الفاتح
لاتنس زياره ممشى مجمع العالي والتذوق من كافيه ليلو الرائع ومطعم ليلى اللبناني
وايضا انصحك اذا كنت من محبي الاكل الخليجي ولكن بطريقه رائعه توجه الى مطعم فيلا ماماز في سار (انصحك بهذا المطعم)
اذا كان الجو مناسب في يومك تستطيع الذهاب الى جزيره الريف فهي تحتوي على عدد بسيط من المطاعم والكافيها في قلب الخليج
واخيرا منطقه العدليه (شارع الشيراوي) فيها العديسد من المطاعم والكافيهات الراقيه مثل كوكوزو(رخيص) زوي وميت كومباني (رائع ولكن غالي)
بالاضافه الى وجود مقاهي تفتح الى الخامسه صباحا مثل لامزون كافيه واروما والبنديره وغيرها .

ما قصرتو يا أحلى ناس يعطيكم الف عافية (h)