سعودي أوكيه
03-07-2022 - 05:45 am
السلام عليكم ورحمة الله وبركاته...
أريد أستئجار سيارة للذهاب للبحرين ليوم واحد فقط حيث سيارتي خربانه ولدي بعض الأستفسارات :
1- ماهو أفضل محل إيجار سيارات من ناحية التعامل بالخبر أو الدمام ؟
2- هل يحتاج التفويض الذهاب للمرور ؟ وكم سعر التفويض ؟
3- هل أستطيع الذهاب لمحل أيجار السيارات وأستلم السيارة على طول مع التفويض وأسافر للبحرين على طول بدون تأخير ؟
4- أسعار سيارات الإيجار ( ناقل الحركة أوتوماتيك ) مايهم النوع أهم شىء أقل سعر ممكن وتكون جديدة 2008 ؟
5- عندي مخالفات على سيارتي هل سيتم أيقافي بالجسر ؟
6 - إذا كان سيارة الايجار عليها مخالفات هل سيتم أرجاعي وكيف أستفسر من المرور عنها ؟
طولتها عليكم لكن أتمنى أن تتسع صدوركم لأسئلتي .
أخوكم / سعودي اوكيه
أخوى سعودى اوكية بجاوبك بأختصار
1/ مافية أفضل محل فية أفضل سعر بس تكون السيارة عليها تأمين وانا دائما اتعامل مع ذيب اللى بالمطار
وممتازين ويأخذون 30 ريال على التفويض
2/ لازم تمر على المرور اللى بالجسر ويأخذون التفويض اللى معاك ويعطونك تفويض من عندهم وانت واقف
حسب الزحمة وغالبآ خفيفة ومايأخذون شىء
3/أكيد على طول تستلم التفويض وعندهم التفويض علية طابع الغرفة التجارية وجاهز بس يعبون الاسم
4/ الاسعار تعتمد على نوع السيارة وحجمها وفى الغالب الاتومتيك من 85ريال وانت طالع
5/ أكيد المخالفات لازم تسددها أصلآ فى السابق يكتفى بتفويض المرور لكن ربطوة بالمرور علشان
المخالفات وفية رقم ترسل رسالة بالجوال وتوضح رقم السجل المدنى ويوضح المخالفات بس يمكن الاخوان
يفيدونك بة
6/ نفس طريقة الاستفسار السابقة بس ترسل رقم السيارة
مرة دخلت الجمارك البحرينية وقالوا عليك مخالفة راجع المرور ومريتهم وخلال ثوانى قالى قاطع اشارة قلت
لهم تونى مستأجر السيارة من ساعة بس وما سبق دخلت بها البحرين وعلى طول سحب ملف بجنبة
وطلع صورة للمخالفة وصورة السائق اللى مستاجر السيارة قبلى كاشخ ابو الشباب واعتذر رجل المرور
على التأخير وصور العقد وقالى مع السلامة تصرف حضارى جدآ