عندك منطقة السيف منطقة راقية جداً ، وكذلك الجفير منطقة جديدة غالبيتها من الامريكان 0

اذا كنت تقصد محل يبع قطع الشوكولاته ف عندك الرفاع..سوق كبير و ناس شراية ما تهمها الأسعار...أهم شي يحبون التميز...
الله يوفقك

انصح بالعالي .. محلات الجوكليت اهناك كلها متميزه واللي يبي المميز دايما يدور اهناك ...
يعني نوع الزباين اهناك اهما اللي يبحثون عن النخبه اذا عرفت قصدي .. صج المنافسه كبيره بس باين انك بتطلع بشي مميز ان شاءلله ..
لكن بقول لك شي .. في محل اسمه ليفز في شارع البديع .. مقلقص وصعب الوصول له لكن لانه مميز .. فالكل يتعنى له من كل مكان .. وماشاءلله سوقهم ناجح وبتدو يتوسعون ويفتحون افرع اخرى ..
نفس الشي محل لوكادو .. بدى فالرفاع واللحين له عدت افرع ..
محل نوال .. في شارع غير تجاري و لا فيه غير بيوت .. لكنه من انجح المحلات فالبحرين .. والناس تييه من كل مكان واغلب الزباين خليجيين ..
وجذي سوقنا يعني ..

موفق ان شاء الله
ماقصرو البنات كفو ووفو
وانا اقول لاتخليني اتعنى... وتعال فتحه عند باب بيتنا >>محد بيربحكم الا اهي ترا

العلاقات الأجتماعية تلعب دور أساسي في تربيح المحل، نوال و ليفز نص المجتمع (المخملي) في البحرين من معارفهم، الى جانب التميز في البضاعة...
ليفز ما عنده فرع ثاني...
فكرة مجمع العالي ممتازة من حيث المكان الراقي و المتميز و الاستراتيجي.

أشكر كل من أدلى برأيه، أو صوته !!!
ونحن في الخليج (ومع الأسف) ثقافتنا في الخليج بالنسبة للتشوكيلت ثقافة ضعيفة، فهي ثقافة إهداء في أغلب الأحيان...
بينما ثقافة التشوكلت ينبغي أن تكون ثقافة غذائية استمتاعية تنم عن وعي لدي المستهلك...
وقصدي بالراقي في عنوان الموضوع مواصفات لعلي أتعرض لها في حال أراد الإخوة والأخوات لذلك...
أكرر شكري مرة أخرى....

فكرة رائعه جدا اخي الكريم ،،
واولها احنا زباينك !!!
الطاقة الشرائية للكاكاو كبيره جدا في البحرين
وما ازيد على اخواني واخواتي الاعضاء ان البحرينيين بشكل خاص
يبحثون عن التميز ويهمهم النوعية والمضمون ، بالاضافه للخدمة والكفاءة الجيده،،
فبغض النظر عن المكان ، فالطلب موجود ، دام ان جودة متوفرة عندكم ..
الافضل انك تختار المكان المتميز، وانا انصح بالمجمعات التجارية الحديثة ،
ان كان عندك مجال ،، المحلات بيني وبينك مرات يصعب وصفها للزبون ،،
هذا مجرد راي متواضع مني ،، دعواتي لك بالنجاح بإذن الله ،،
بس لا تنسى تبشرنا بموعد الافتتاح ،
ولك تحياتي ..

لو سمحتوا وين أماكنهم بالضبط اللي
هم ليفز لوكادو ونوال
تكفون أبغى وصف دقيق لهم
شاكر ومقدر