محد رد علي
ياليت ماتتأخرون ..س ياليت تختارو لي مكان رايق وفيه بارتشن
والاكل حلو ..بليز لاتتأخرو ..

32 مشاهده ولا واحد رد علي
الله يسامحكم ..
طيب انا بدي أسأل عن بوفيه هوليدي ان الازدهار ...من ناحية الجلسه
هل هي هاديه ورايقه ..والاسعار انا سمعت انه 145 للشخص وفيه بارتشن
اي احلى هو والا مطعم اطلاله والا مداريم كروان
بليز ساعدوني ..لاتتجاهلون موضوعي
الله يجزاكم خير ّّ.~

المطاعم كثيره والبوفيهات بالفنادق كويسه وسعرها قريب للسعر اللي ذكرتية
المناسبة نجاح له ليه مايكون حفله بسيطة عئلية بالبيت مع هدية حلوه لاخوك الله يوفقك أفضل (ملقوف)
الاعضاء مايقصرون معك ان شاء الله .

هههآآآي..حشاك عن اللقافه ..انبسطت يوم احد رد علي
فكرتك حلوه ..بس مابي بالبيت ..لانه مالي غيره ..وهو ماعنده غيري
وبالبيت ..راح يكون مادري كيف ..لو عندي اخوان اكثر بيكون احلى
بس انا قلت بتفق مع المطعم احسن واخليهم يقدمون لنا كيكه ..وبعدها اعطيه
هديته بالمطعم ..نفسي اعزمه بمكان راقي شووي ..عشان يتذكر المناسبه
لانه يستاهل ..وهو راح يخلص الجامعه بتفوق ان شاء الله
والمطاعم صحيح كثيره ..بس ابي فندق لانه ماجربه وتعرفون اجواء الفندق حميميه
واخوي ماشاء الله ماخلا مطعم ماجربه ..تعرفون الشباب ههه
عشان هيك ابي مكان غير

إختي غنج شكلك عصبتي
ولا يهمك جاكي الفرج
اولا انا افضل انك تسوي هالعزيمه في فندق وإبعدي عن المطاعم راح ارشحلك الفنادق الي أنا ارتاحلها شخصيا
1- رادسون ساس والبوفيه عندهم ب140 وتقدري تتصلي عليهم تشوفي اذا الاسعار نفسها او تغيرت بس البوفيه حقهم توحفه وانا ارشحه بالمرتبه الأولى
2- الأنتركونتيننتال بصراحه ذكرته لأن واحد من أخوياي أزعجنا عليه يقول بوفيه راقي بكل ماتعنيه الكلمه من معنى وبالنسبه لسعرهم مثل ماذكرتلك تقدري تتصلي عليهم وتسألي
3- المطعم البرازيلي الموجود بالفيصليه بصراحه مطعم جنتل ومرتب ويصلح للمناسبات الي مثل كذا
اتمنى أكون أفدتك ولو بالشيئ البسيط لأن هذول الي جربتهم ومثل ماإنتي عارفه الرياض مليانه فنادق ومطاعم (على افى من يشيل )على قولة إخواننا المصريين
. وإنشالله الأخوان ماحيقصروا بس إنتي عطيهم فرصه

مشكور خيوو ربي يسعدك ويوفقك ويحقق كل ماتتمنى
الله يجزاك الف خير
وصحيح مثل ماقلت الفندق احسن ..وانا راح اتصل عليهم واشوف الاسعار
ربي يعطيك الف عافيه وربي ماقصرت معاي..^_^
كفيت ووفيت
وأن شاء الله بنتظر الاعضاء اكيد مايقصرون

اللهم آمين مشكوره إختي غنج على الدعوه الحلوه
بالمناسبه اليوم عزمني أحد الإخوان في مطعم بصراحه شي ثاني وأول ما دخلت المطعم إتذكرت موضوعك صحيح أنا كنت ضد فكرة المطاعم بس لما شفت نظافة هالمطعم وفخامة الأكل عنده والتعامل الراقي من قبل الموظفين غيرت رايي ،،،،،المطعم هو ست الشام وليس يامال الشام الي مدري كم قطته فرق شاسع بين الثرا والثريا
نصيحه روحي للمطعم بنفسك وعطيني رايك فيه روحيلهم بكره الظهر مثلا على البوفيه

اهلين اختي
الف مبروك تخرج اخوك وعقبال ان شاء الله الوظيفه السنعه
شوفي مداريم كراون حلو المطعم الهندي حقهم اكله مره لذيذ
وفندق الانتر واحد من اصدقاء زوجي مره يمدح البوفيه حقهم
وباالتوفيق