وعليكم السلام ورحمة الله وبركاتهفي بونشاك عندك 6 أيام ويومين راح تكون سفر يعني فعلياً عندك أربعة أيام كاملة , وأفضل الاماكن : سفاري ويخصص لها يوم كامل , منتزه تشيبوداس ويخصص له يوم وخذ معاكم عدة الشوي , الشلالات السبعة , بحيرة الليدو , البارشوات , مزارع الشاي بحير فنيسيا وانصحك بأخذ العزبة ( القهوة والشاي والرز) وتأخذ لك ذبيحة الجبل أجوائه حقت شبة النار والشاذليه .
وباندوق ماعندي خلفية عنها لكن إذا أنتم شباب ممكن إضافة بالي فجداً ممتعة وشيقة وبالنسبة لجاكرتا فثلاثة أيام اشوفها كثيرة عليه وأنا قبل أسبوع كانت هناك تندمت على ثلاثة أيام جلستها فيها وخليته أسواق وباقي الوقت في مسبح الفندق والنادي تبعه .
وبالنسبة للصرف وتبديل عملات انصحك تكون بالجبل لأن السعر مقارب جداً لسعر الصرف بمكة مكان ما صرفت ,وأخيراً نصحكت بأخذ العزبة سواء عائلة أو شباب لأن أغراضنا هناك جداً غالية فمثلا المكرونة تأخذها هنا 4 ريال تجدها هناك في ب24 ريال والرأي أولاً وأخيراً لك , واجازة سعيدة وسفرة سعيدة !

باندونق
في الجنوب الغربي من باندونق تقع تشيبودي Ciwidey بمسافة 60كيلومتر بها بركان كواه بوتيه ( البركان الأبيض )
وبالقرب منه البحيرة الحالمة بحيرة سيتوباتنجان situ patengan
وانت في طريقك لها لاتحرم نفسك من الوقوف والاستمتاع بمدرجات الشاهي الوصول لها يحتاج من ساعه ونصف الى ساعتين ونصف حسب الزحمة الطريق اليها وعر وخطوطهم مش ولابد
وفي رجعتك لباندونق سيّ ر على شلال سيماهي اذا انتهوا من صيانته!!!
في نفس باندونق الاسواق وشارع الجينز وممشي شيمابالاس
وفي الشمال من باندونق بمسافة خمس وعشرين كيلومتر تقع ليمبانق الرائعة الباردة جداً ليلاً يوجد بها بركان تانكوبان براهان Tangkubanparahu وبالقرب منه منتجع ساري اتير للمياه الكبريتية الغني عن التعريف ومطعم كامبونج داون ( اكلهم مليء من الصلصة حقتهم ) بصراحة ماأعجبني المطعم وايضاً مزارع الشاهي على نفس الطريق مناظر جداً رائعة لاتحرم نفسك من الاستمتاع بها
في الاخير احب انبهك للمطعم العربي الوحيد بباندونق الا وهو مطعم ( قهوة ) يعتبر جيد جداً
اتمنى اني افدتك عن باندونق
وسفرة سعيدة ان شاءالله