- السلام عليكم جميعا ...
السلام عليكم جميعا ...
من منطلق محبتي لجميع أعضاء و زوار منتدانا الغالي .. والي أفادني كثيرا في جميع رحلاتي .. أحب أشارككم تجربتي في السفارة النمساوية في الرياض .. والتي كانت في بداية شهر فبراير 2011 .
أولا أنا من سكان مدينة الخبر (العزيزة علي قلبي ) .. وكان لدي زيارة عمل لمدينة الرياض مع أحد الزملاء العزيزين .. وكانت الزيارة مجدولة منذ وقت مبكر .. فجائة الفكرة لي لتجهيز جميع متطلبات الفيزا النمساوية وتقديمها للسفارة في الرياض بنفسي .. وذلك لأني ناوي أسافر للسياحة مع المدام المصون أن شاء الله في شهر مايو القادم ..
فطرحت الفكرة علي زميلي في الرحلة .. والذي تحمس هو الاخر لأستخراج الفيزا النمساوية لأنه يخطط الذهاب ايضا للسياحه في شهر سبتمبر القادم .. فرأى انها فرصة لأستخراج الفيزة لتوفير الوقت والجهد بحكم وجودنا في الرياض .
مالكم بالطويلة .. جهزت جميع الاوراق المطلوبة بحذافيرها .. حتى راسلت الفنادق في النمسا للحصول علي تأكيد الحجوزات بالفاكس و تعريف العمل و كشف حساب و .. و.. ألخ
المهم وصلنا أنا وزميلي الي السفارة الساعه 9 و نص صباحا .. و كان الوضع جدا جميل و لا في أحد الا تقريبا مراجع واحد .. المهم .. جا دوري عند المراجع وأظنه من جنسية سودانية .. قام يقلب أوراقي و يقلب .. حسيت أنه يدور الزلة .. لكن الحمد لله أني مكمل كل الأوراق .. وحتي المبلغ جايبة بالضبط علشان ماينشبون لي بالصرف (304 ريال للفيزا الواحده).. وفجأه نقز لي بشغله لا هي علي البال ولا الخاطر .. قال أسف مأقدر أقبل طلبك لأن تعريف العمل مو مصدق من الغرفة التجارية !!!!!
و هي الصدمه ياعدل يابدل قال أبد بالرغم انه موقع و مختوم من جهة العمل لكن لازم تختمه و تصدقة من الغرفة التجارية .. لا حول ولاقوة الا بالله والمشكلة اني ماشي بكرة للخبر ولاني مستعد أرجع لهم مره ثانية ..
الوكاد كانت الساعه 11 صباحا .. قلت لة برجع لك لكن توعدني انك تدخلني لو وصلت لكم بعد الساعه 12 الظهر(لأنهم يسكرون) قال اوكي .. والحمد لله جاب الله معي الجارمن(أعز صديق وقت السفر) و حصلت الغرفة التجاريه مسجلة في الرياض و أتجهت لهم طيران وختمته ورجعت السفارة و وصلت لهم الساعه 12 الا ربع بالضبط ... والحمد لله تم قبول الطلب و ان شاء الله تجهز خلال أسبوعين ..
أما موضوع خوينا فالظاهر أنه قرادتة أكثر من قرادتي .. حتي هو المسيكين رجعوه لكن ترجيعته ماتترقع .. قالوا مانقدر نقبل الطلب وانت سفرتك باقي لها أكثر من 3 أشهر .. بالرغم أنه طلب منهم أستثناء بحكم وجوده بالشرقية وأنه مرتبط بعمل و ما يقدر يجيهم متى ما أراد .. ولكن للأسف تم رفض طلبه ..
أتمني منكم الانتباه لكل النقاط الي واجهتنا وأخذ العظة والعبر ...
وأسف علي ألاطاله .. وتقبلوا تحياتي و خالص أشواق ..
