ViVa MeSsI
12-07-2022 - 09:37 am
السلام عليكم ورحمة الله وبركاته ..
شخباركم شباب وصبايا
اخوي ومشرفنا الغالي (( امباكت )) .. أنا حجزت موعد بالسفارة يوم 1 مارس 2009 ..
لفيزا سياحية .. والغرض زيارة أخوي المبتعث بالصيف .. لكن المشكلة اني طالب بالجامعه ..
وعند قرائتي للشروط الموجبة .. اوقفني شرط (( كشف حساب ل 6 أشهر السابقة ))
وبما أني طالب فليس لدي راتب (( يادوب المكافئة )) .. لكن السؤال هل بإمكان مثلا ان تكفلني أختي ..
وهل يجب حظورها للسفارة معي .. لان اشوفها صعبه قدومها معي .. وش الحل ؟؟
وش الطلبات اللي لازم تكون معي .. اللي اعرفه هو ::
تعبئة نموذجي 156و 157 + صورة شخصية حديثة + وصل البنك الامريكي + تأكيد موعد الحظور
هل في شي ناقص
وبالنسبة لموعد السفر انا الصراحة الى الآن مو عارف متى بسافر .. يعني هل من شروط اخراج الفيزا ..
ان لازم يكون عندي حجز مؤكد .. لان مدري وش بيصير فالصيف واحتمال يكون عندي تدريب صيفي ..
يعني عادي اروح وأنا ماعندي حجز بالخطوط ؟؟
والله أعرف اني مطولها لكن وقسم بالله مافي الا انت بعد الله .. اللي بيحلها :108
لي عودة بعد الردود .. وأي شي مو مفهوم من الأسئلة خبروني
في الابلكيشن سؤال عن الشخص الي بيتحمل تكاليف الرحلة . وهو السؤال رقم 28 .
؟Who Will Pay For Your Trip أنت وش كتبت فية . أسم الشخص الي كتبتة تاخذ منه ورقة تعريف من العمل وكشف حساب لأخر ثلاث شهور .
وبعدين تجيب خطاب تعريف من الجامعة إثبات بأنك طالب باللغة الأنجليزية واذا مافي الا عربي تترجم الخطاب من مكتب معتمد وترفقة مع الطلبات. وبالنسبة لأخوك الي يدرس في امريكا الله يوفقة تخلية يرسلك بالإيميل صورة من تأشيرتة وورقة تعريف من الجامعة الي يدرس فيها وتطبعها وترفقها مع الأوراق من باب التسهيل في طلبك لأن هالاوراق بتساعدك كثير وكأثبات بأن اخوك في امريكا وبصورة قانونية.
وفية سؤال رقم 37 في نموذج 156 وهو
Are Any of The Following Persons in The U.S., or Do They Have U.S. Legal Permanent Residence or U.S. Citizenship? طبعا تختار عند brother/sister yes وفي البوكس تكتب studying .
وفي سؤال رقم 24 بنفس النموذج تكتب عنوان اخوك الكامل في امريكا .
حجز الخطوط موب مشكلة انت حدد موعد تقريبي واذا سألوك قل انا ابي الفيزا تطلع عشان احدد بالظبط تاريخ السفر .
اتمنى اني اكون افدتك والأخوان موب مقصرين اذا فاتني شيء ان شاء الله .