السلام عليكم ورحمه الله..
ان شاء الله على شهر ديسمبر رايحين لندن.. يعني على العيد لمده 10 ايام الى اسبوعين..
وهذي اول زياره لنا للندن و اوربا عامة..
عندي شويه استفسارات.. ياليت تردون عليها ومالكم الا الأجر..
مع العلم احنا عائله عددنا 7 ومعانا اطفال
1*بالنسبه لتقسيم الأيام.. هل اسبوعين مناسبه ل لندن؟ ولا بنمل؟؟
2* سمعت عن الريف البريطاني.. تنصحوني فيه؟؟ يعني مثلا نروحله 5 ايام ونرجع ل لندن..
وهيثرو كم تبعد عن لندن.. وهل فيها شي؟؟
واحد من قرايبي بالرجعه قعد فيها يومين.. عشان قريبه من المطار.. انتو شرايكم؟
يعني مثلا يصير اسبوع لندن بعدين 4 او 5 ايام بالريف و نرجع لهيثرو نقعد يومين ونطير بعدها
ولا ماتسوى ونقعد كل المده بلندن وبس؟
3* التنقلات بلندن.. ظبعا التكاسي معروف غاليه.. الباصات والاندرقراوند.. هل هي واضحه وسهله؟؟ ولا يبيلها سالفه وحوسه؟؟؟
4* وهذا اهم استفسار :d بالنسبه للسكن..
ابغا فندق نظيف وبسيط ومكانه زين و أامن ومو غالي.. لاننا بناخذ 3 غرف.. ونبي سعر معقول..
مايهم اذا مو فخم..بيكون للنوم بس.
والمكان يكون قريب لان عددنا كثير ومانبي نتبهذل بالمواصلات
وشكراً جزيلاً.. انتظركم : )