الف الحمد لله على سلامتك
ونحنو في أنتظارك

نبدا بالاستعداد للرحلة جمعت معلوماتي من المنتدى ومن شخص اسال الله ان يوفقه لما فيه الخير .
التاشيرة بصراحة ما احب عوار الراس وكوني ومو ساكن بجدة اعطيت مكتب وما قصر خلال يومين بصمت ورابع يوم تم استلام الجواز والحمد لله التاشيرة عن طريق السفارة الايطالية الطلبات الجواز وصورتين فقط ومبلغ الف ريال .
الرحلة كانت جدة = دبي = دبي = فيينا والعودة نفس الاتجاه الخطوط الامارتية العدد اثنين شباب
الوصول الى فيينا الساعة الحادية عشر ليلاً اول نصيحة حاولوا الوصول في النهار بالنسبة لي كان توقيت غير موفق لعدة اسباب سوف اذكرها لاحقاً هذه البداية .استعدوا لمغامرة الغامدي في بلاد اروبا ( اول سفرة لاروبا = عدم اجادة اللغة الانجليزية = عدم معرفة استخادم القارمن ) ههه بسم الله نبدأ

وعليكم السلام ورحمه الله وبركاته
مستعدين للمغامره
خاصه اللغه لان البعض يعتبر اللغه عائق لديه للسفر للنمسا
تم اتاحه امكانيه اضافه الصور والروابط بالتقرير
موفق يا غالي

الحمد لله على السلامه
ننتظر تكملة التقرير

ملاحظة (يا حبايبي حاولت ارفع الصور ما عرفت اسوي اضافة صورة بعدها اوقف ما عرفت اشلون اضيف الصور )
على العموم انا باشرح كل التفاصيل من وقت الوصول الى وقت الرجعة واول ما اعرف طريقة تزيل الصور والروابط راح انزلها كلها ورى بعض نبدأ بالتفاصيل :-
قبل كل شئ ابي اقولكم شئ بعض الاخوان الله يهديهم يضخمون الشئ بصراحة كنت متخوف من السفر الى اروبا من كثر ما اسمع واشوف اللي ببعض التقارير من نظام وشدة وتعامل وصرف مبالغ هائلة لاكن بعد ما رحت اغلب اللي قالوه والله ما قابلته او تعرضت له او صرفته احنا شخصين .
1- التذاكر على الخطوط الامارتية ( 7600 ) ريال .
2- السيارة أوبل بنزين لمدة 18 يوم ( 2300 ) ريال الاستلام من المطار والتسليم بالمطار ( فيينا ) .
3- مصاريف السكن مع البنزين مع الاكل بالعربي كامل المصاريف غير التذاكر والسيارة ( 12000 الى 13000 ) راح اعطيكم تفاصيلها بالتقرير المفصل بمشئة الله .
الرحلة كانت يوم فيينا وستة أيام زيلامسي ويوم قرية هايدي السويسرية اربعة ايام انترلاكن اربعة ايام المانيا اخر يومين فيينا .
تم الوصول بفضل من الله مطار فيينا وتعال وشوف الخوف من الدخول لان كثيرين خوفونا من الدخول بتاشيرة السفارة الايطالية يقولوا لازم ندخل عن طريق ايطاليا بعدها نروح النمسا بس الحمد لله اول ما اعطيته الجواز قال انت ياسر قلت ايه قال تفضل النمسا بين يديك ههه الحمد له دخلنا وما احد قال شئ نبدا المغامرة تخليوا ما عندي غير هلوو قلت وقع المحضور يا صبي غامد انت وصبي بني شهر ربك يسرها وحصلت واحد مصري سالته وما قصر وصفني مكان التاجير وصلت المكتب واعطيتهم الفيوتشر اللي طبعته وقت ما استاجرت السيارة المهم تعالوا وشوف الضحك جالسه تتكلم معي وانا يس يس يس والله ما ادري وش تقول اخذت البطاقة ةسحبت المبلغ واعطتنا المفتاح وراحت طيب اشلون اعرف مكان السيارة ههه والله جلست تقريبا نص ساعة ادور بالمواقف بعد ما فريت المواقف حقت الشركات ابشركم حصلت السيارة خلصت بطارية الريموت من كثر ما اضغط عليه ههه ابي اشوف فلشر شئ والحمد لله تيسرت شغلنا السيارة وجلست اكثر من ثلث ساعة ما عرفت وين الجلنط ههه يشهد الله ما عرفته اثاريه زر صغير جنب مكان ما تحط العصير او المويه على العموم توكلنا على الله وطلعت من المطار الساعة الثانية عشر والنصف طيب وين اروح كيف اعرف الفندق من وين الطريق معي قارمن شغلته وحطيت مكان الفندق زي ما علموني الشباب بالسعودية بس شكل القارمن ضاربه افيوزاته والله الى الساعة اربعه وانا افر في الشوارع انا وخويي ما ندري وين نروح وقفت عن الشرطة اسالهم بالاشارة جالسين يضحكون ما يدرون وش ابي منهم قفلت معنا قلت يا ولد ما في حل الا اجنب عند اي موقف لين الصبح وخير تعرفون تعب طول الرحلة من الساعة عشرة الصباح في مطار جده وحركنا الساعة ستة المساء من دبي ومواصلين حصلت موقف صبي بني شهر حط راسه وانا جالس مثل الجني افكر وش السواة دعيت الله ييسرها طلع الصباح واحنا بالموقف جالس اقلب بالجوال جت عيني على صورة بالجوال فيها انواع الاشتراك بالنت ببطاقة سوا التجوال من الفرحة قمت اقصد واعرض ناقصني فرقة بس ونسوي فلكور سعودي ( جنوبي ) ههه المهم ارسلت رسالة واشتركت بباقة انترنت اثنين جيجا ودخلت على برنامج خرائط بالجلكسي والله اطلق من الف قارمن بالملي متر يا حبيبي بالملي متر من كثر ما كرهت فيينا صحيت خوي قلت وش رايك نشدها زيلامسي قال مع هالاجواء قدام حطيت الاسم بالخربطة طلعت المسافة حوالي ثلاث ساعات قلت اقرب محطة واخنا كفي وبسم الله مسكنا الخط وآآآآآآآآآآآه يا زيلامسي وصلنا الحمد لله الساعة العاشرة تقريباً جنبت شوي دخلت على بوكنق استاجرت فندق بكابرون اسمه مارتيني لمدة ثلاثة ايام بصراحة الفندق روعة فيه اثنين واحد وزوجته شياب بس والله قمة الاحترام والنظافة فطورهم روعة فندقهم موقع مواقف وكل ما تبيه سعره 180 ريال لشخصين مع الافطار ثلاثة ايام من طيبتهم جددت ثلاثة ايام ثانية . ملاحظة بسيطة للي يبي التوفير ( السكن بشقة يوفر عليك كثير ليه هناك المطاعم العربية بصراحة نار وجبة عشاء بالمطعم التركي بكابرون تكلفنا حوالي 400 الى 450 ريال وجبة غداء بالمطعم الهندي او الباكستاني مثلها طيب لو انت بشقة الفطور بالبيت الغداء تصبيرة خفيفة ماكدونالز او كفي مع كم فطيرة لوزين ههه العشاء طبخ بالبيت وفعلاً هذا اللي حصل بس للاسف كان في سويسرا لان السكن اللي بكابرون ما فيه مطبخ .
نبدأ الان بالعميق الجولات والمغامرات في النمسا لمدة ستة ايام استعدوا >>>>>>>>>>>>>>>>>>>>

تقرير بدون لغه واقل مصاريف اكيد الاغلبيه يحتاجه
واصل سلمت اناملك
هلا اخوي شوف الرابط هذا يعلمك كيف ترفع الصور
https://artravelers.com/p/re/692773

اليوم الاول في كابرون بالنسبة لي لازم احط جدول يومي للاماكن اللي بزورها في اليوم انا حددت ثلاثة الى اربعة اماكن يومياً مثلاً
اول يوم ( الخوانق المائية سيمغوند - البحيرات الصناعية - القمة الثلجية - بحيرة زيلامسي بالنسبة لبحيرة زيلامسي كل يوم لازم اكون فيها من بعد الساعة السادسة الى الغروب شئ اساسي عندي ههه )
ثاني يوم ( شلالات كريمل - في الرجعة من الشلالات فيه تلفريك على الخط يطلع فيك قمة مو متذكر اسمها منظر روعة مع جلسات على ضفاف بحيره صغيرة شئ خرافي - زحليقة سالفيدين - بحيرة زيلامسي كالعادة ههه )
اليوم الثالث ( قمة جروس يوم كامل من الصباح الى العصر اروع ما زرت )
اليوم الرابع ( للا سف كنت معزوم عند شباب من القصيم اسال الله ان يسعدهم حيث ما كانوا تعرفنا عليهم في القمة الثلجية )
اليوم الخامس ( وصفونا ببحيرة فيها تستاجر سنارة وتصيد سمك وهذا اللي حصل كانت من احلى التجارب - مطل زيلامسي - بحيرة زيلامسي مع السنتر )
اليوم السادس ( سلمنا الفندق - واتجهنا الى قرية هايدي مرور انسبروك وقرية ناسي اسمها قريبة من الحدود السويسرية )
( الصور ما احد حتى الآن شرح الطريقة لتنزيل الصور الشئ الثاني بالنسبة للروابط كل ما احط رابط يول لازم تكون مشاركتك 17 مشاركة وش السالفة )

عجبني الصراحه والبساطه بالتقرير
حلو يس يس يس كان سحبت مبلغ عالي وقالت تامين او شيء
الجلنط مكان العصير والله ما ادري اول مره اعرف
0او 1800 ريال يا غالي
ربك يسرها لكم
تقدر تحط الصور يا غالي

بداية غامدية ممتعه
بس دعستكم على زيلامسي والله اعجبتني
أحب الناس اللي ماتستسلم وعندها العزيمه
شكرا ولد غامد وننتظر باقي الابداع مع الصور