نوال 2
13-02-2022 - 06:14 pm
أخوي الشاب عندي كم استفسار أتمنى صدرك يتسع وتجاوبني عليهم ..
أنا مسافره مع زوجي وطفلي في 28/اكتوبر 3اسابيع لاسبانيا واسبوع لفرنسا وماندري كيف نرتب رحلتنا
وش رايك تعطينا اقتراح عن كيفية ترتيب الرحله من حيث المدن اللي نزورها وكم نجلس في كل مدينه وفي
اي الفنادق نسكن وهل نحجز من هنا أومن هناك وبالنسبه للتنقل بين المدن كيف يكون بالطياره أم بالقطار
اوبالبحر؟؟
وكم يكفينا ميزانيه بالنسبه (للسكن والطيران) علما بأن الفنادق موضروري 5نجوم المهم نظيفه عشان (وليدي) وياليت مفروشه لأنه يحبي مابعد مشى
وتكون قريبه من سنتر المدينه والاسواق والمنطقه التجاريه..
وبالنسبه لباريس اذاعندك اي برنامج أوفنادق أسعارها معقوله 3أو4 نجوم لاتبخل علينا..
وخط السير من بارس لأسبانيا أو العكس ؟؟ مع العلم اني ابي ازور ديزني لاند
أبغى اجابتك وعارفه اني كثرت عليك لاكن وش نسوي مالنا الا الله ثم انت لأنك خبير في اسبانيا
الله يحييك اختي الكريمة , و اعتذر عن التأخر في الفترة السابقة نظرا لانقطاعي عن المنتدى
بالنسبة لفرنسا فالأخوان في ساحة فرنسا راح يفيدونكم اكثر,,, باريس بالتأكيد ضمن خطتكم, لكن في الشتاء ما عندي خلفية وش ممكن تزورون
اما بالنسبة لإسبانيا فالخطة تعتمد على المكان اللي تبونه
برشلونة لازم تكون محطة اساسية في الرحلة
سان سيباستيان مدينة باردة لكن ما اعتقد ان البرد وصل ذروته في هذا التاريخ لكنها تستاهل
سانتاندير مدينة رايقة جدا جدا اذا ما كان معكم اطفال
سلمنكا مدينة نقاهة و روقان للمتزوجين لأنها مدينة مطاعم و مقاهي و محلات تجارية و هي مدينة صغيرة و يكفيها يومين
جزر الكناري جوها دافئ في هذا الوقت
جنوب اسبانيا مثل غرناطة و قرطبة و اشبيلية و بنا المدينة و ماربيا راح تكون فيها الأجواء باردة نوعيا لكنها ماراح تكون باردة مرة و الأفضل في الجنوب هو الإستقرار في منطقة من هالمناطق و زيارة المدن القريبة منها
انتي اختاري المدن علشان نحدد البرنامج مع العلم انك ممكن تضمينها كلها مع بعض في البرنامج