عـاشق المستحيل
16-06-2022 - 07:08 pm
السلام عليكم ورحمة الله وبركاته
كيفكم يا حبايب
يارب تكونو بصحه وعافيه
لما قرأته في هذا المنتدى الذي
وللأمانة أعجز عن وصفه ومدحه
وللمشرفين الأعزاء وكذلك الأعضاء المتميزين
وأنا كتبت موضوعي هذا وأنا طامع في مساعدتكم لي
وكذلك أحببت اخذ رأي ومشورة اهل الخبرة
ومن سبقني للسفر للدولتين الجميلتين
سويسرا والنمسا
انا ان شاء الله زواجي
بيكون بعد الاختبارات مباشرة
بشهر 7 هجري اللي هو شهر رجب
وميلادي بيكون شهر 6 يونيو
واتفقنا انا والمدام اننا نسافر
سويسرا والنمسا ان شاء الله
ونقضي 12 يوم من شهر العسل
وبعدها نرجع نكمل بمكه وجده والمدينه
المهم ان تاريخ السفر أود أن يكون من بعد
يوم الاثنين
9/ 7 / 1433 ه
2/ 6 / 2012 م
اللي أبيه منكم انكم تعطوني رأيكم
في تقسيم الايام على افضل المدن في الدولتين
والفنادق المناسبة لنا كعرسان
والمنتجعات والمنتزهات والحدائق والأرياف والاسواق اللي نقدر نزورها
وهل الأفضل أنني استأجر سيارة ام تفضلون لي السائق
انا عارف اني زودتها مره معاكم بالطلبات ولكن الاحتياط واجب
وبالأخير وش الخطوط المناسبه للي بيسافر من مدينة جدة
واذا ممكن أسعار التذاكر لشخصين
والميزانيه المقررة للرحله 30000 ريال هل هي مناسبة
لهذه الرحلة مع التذاكر وال 12 يوم والا لا
وأتمنى من الجميع إفادتي وشكراً
تحياتي لكم مع تقديري وإحترامي...
الله يوفقكم ويرزقكم الذريه الصالحه ,,,
ما أنصحك ابد انك تروح لدولتين لأن المده قصيره خلك على وحده منهم وكافيه لان الطبيعه متشابهه بين سويسرا و النمسا بس تفرق النمسا أرخص شوي عن سويسرا ,
بنسبه للموصلات الأفضل انك تستأجر سياره بنفسك واذا ماحصل تستخدم القطارات و الباصات وشل من بالك السائق الخاص نهائيا لأنه بياكل فلوسك ,
الأفضل طبعا الخطوط الدايركت ( السعوديه او خطوط الدوله اللي بتروح لها )
الميزانيه كافيه ان شاء الله انا رحت للدولتين في سنتين وماصرفت المبلغ هذا
افضل المدن و القرى في النمسا ( فينا , سالزبورج , زيلامسي )
سويسرا ( انترلاكن , لوزيرن , مونترو , لوقانو , جنيف )
ولا أنصحك بكثره التنقل في السكن بين المدن ( يعني تسكن مدينه وتخليها نقطه انطلاق لزياره القرى و المدن المجاوره ) لتوفير الوقت .