السلام عليكم ورحمة الله وبركاتة
اتمنى لك ولعائلتك التوفيق في سفرتكم ،الله يسهل امركم بإذن الله يا بوخالد ترجعون وانتم مستانسين
من هاذي السفره.
اتمنى لما ترجع تكتب بالتفصيل عن سفرتكم اسماء الفنادق الاسعار الجو الأكل عن كل شئ بالتفصيل
ابيك تسأل أهل البلد عن الجو شلون في بداية شهر (10) في ذي الوقت عندهم تنزيلات واسماء الاسواق
ذات الاسعار المعقوله ولك جزيل الشكر يابوخالد دربكم خضر بإذن الله.

حياك اخوي ..
لم يسبق لي تجربة هذا العدد .. ولكن اعتقد والله اعلم انو من 200 الى 250 يورو كافية باليوم شامله كل شي من بنزين واكل ودخول اماكن سياحية ..
وياليت الاخوان اللي سافرو بعوائل كبيرة يفيدونك .. بالتوفيق ..

مرحبا fooz07 إن شاء الله نفيدك لا رجعنا
اخوي بيمو شكرآ على تجاوبك
باقي الاخوان اتمنى الإفادة
أنا اذكر ناس كثير قد سولفت عن عوائل يسكنون بالريف شهر شهرين .. ويطبخون ولا يكثرون روحات وجيات
ولا تهمهم مهرجانات ... ومعتبرين نفسهم كنهم بأبها ولا الطائف ... مع إختلاف الجو والطبيعة
شكرأ للجميع

أبو خالد
الله يرجك يا ابو خالد
المقاضي تراها عنهم شوي غالية اذا كنت بترروح لازم سي فيه هناك سوبرماركت تركي يبيع كل شىء حلال على كلامه طبعا وترى 4 خبزات عنده بعشرين ريال خبز تركي اذا تعرفه

كياان
الله يرحم والديك ... ويجزاك ألف خير
توقعاتك قريبة جدآ من توقعاتي
200-250 يورو باليوم للكل ... معقولة ..... ما عندي مشكلة ... أتحملها
و 4 من الموجودين (سلق) ... لكن مادري يمكن هناك مع الجو والخضرة يقلبون علينا ويعرمشوننا
أحد الأخوه عطاني تلفون واحد من زملاه توه راجع من زيلامسي .... رايح هو و مرته وولده
يقول الرجال : الفطور تبع الفندق
والغداء يوميآ أطبخ كبسه (غدن عشا :smile
و ما عمري اكلت من عندهم إلا شاورما ... أو ماكدونالدز ...... أحيانآ
الظاهر أني بأولم الكرتون ... وخيشة الرز ... والبهار...والعدة....
والدعوى وناسة وفلة حجاج ... حنا رايحين ننبسط ... وانا أعتبر الطبخ عند بلكونة تطل على قمة الكابرون ... متعة لا توصف
وأي أحد من الأخوة عنده تعقيب ... بأكون سعيد جدآ لسماعه
مشكور يالغالي

احنا بالخدمة يا ابو خالد
والله يوفقك يارب .. ويخليلك هالشباب
انا هالصيف بتكون لي رابع مرة اروح للنمسا اخر مرة كانت قبل 3 سنوات
واذا انت بكابرون فالامور متيسره ومتوفرة
بس اذا انت ما خذ شقة فالفطور من جيبك ما هو زي صاحبك على الفندق
ضبط العدة وحطها في شنطة مو كرتون يا ابو خالد انت مو رايح للديره واسألني ان مجربها في سفرتي الاخيرة وبكررها هالمرة ان شاء الله
ضفيت شنطة كاملة عبيتها رز 5 كيلو ومكرونة واندومي وانوع الشكولاته والمعمول والله اني خفت بالمطار يفتشون وينفشون عفشي ويفضحوني عند هالخلق بس بحمد ربك ما فتحو ولا شنطة ..
ولا تخاف الدجاج عندهم والسمك راهي
كنا فطور قبل الخروج في الصباح من الشقة ووجبة في مكان الزيارة واذا رجعنا اخر النهار زبطنا عشوة خفيفة وتصير بعد المغرب قبل العشاء هذا اللي كنت اسويه .. جربها ورايح تنبسط
فيه اقتراح تاني برضوه فكر فيه يا ابو خالد
حدد اكثر مصروف ممكن تدفعه كل يوم .. طبعا اخصم حساب المصاريف العامة مثل مقاضي البيت والسيارة
وقسم هذا المصروف على العائلة وسلمهم كاش ايه كاش يا ابو خالد وش فيك تنحت وريح دماغك وخل كل واحد يتصرف فيه زي ما يحب .. يبغى ياكل فيه .. يبغى يدخل فية الالعاب يبغى يتصدق فيه على نمساوي هو حر
واذا زبطت الكبسة في البلكونة لا تنسى تعزمنا ترانا عاد بنكون مشتاقين للكبسات ورايح نشمها لو كنا في اخر النمسا

ابو خالد نصيحه من اخوك
اوروبا غاليه وليست رخيصه و200 الى 250 يورو هذا مو صحيح على عدد الاشخاص الى معاك ... الا اذا تاكل بالبيت ولا تزورون اماكن عليها رسوم وعندك سياره يا الله حده حده بطل الماى الصغير هناك ب 2 يورو ... انت مسافر ومسفر الجماعه معاك نصيحه لك فك الحزام خلهم يستانسون
والله الى ضحكنى بموضوعك يوم تقول (مثلا كل واحد له أسكريم كل يومين)
تروحون وترجعون سالمين

انا عندي قاعدة الي بيسافر ينبسط ويوسع صدرة ولا لا يسافر
بالنسبه للطبخ اذا انتم بتطبخون غداء وعشاء بياخذ من وقتكم الكثير والجهد
لو تاكلون اشياء خفيفه في السفر افضل لكم من الحوسه هذي
مجرد راي

1. لا هنت أخوي ماقصرت


2. ابو خالد نصيحه من اخوك

هلا بأخوي كيان
كفيت ووفيت حبيب قلبي .... ما قصرت والله
وأبشر باللي يدسم شاربك بالكبسات .... ابد أول ما تصل ملعب كابرون بتشم ريحة الطبخ من هناك

لا هنت أخوي ماقصرت

ابو خالد نصيحه من اخوك

اوروبا غاليه وليست رخيصه و200 الى 250 يورو هذا مو صحيح على عدد الاشخاص الى معاك ... الا اذا تاكل بالبيت ولا تزورون اماكن عليها رسوم وعندك سياره يا الله حده حده بطل الماى الصغير هناك ب 2 يورو ... انت مسافر ومسفر الجماعه معاك نصيحه لك فك الحزام خلهم يستانسون
والله الى ضحكنى بموضوعك يوم تقول (مثلا كل واحد له أسكريم كل يومين)
تروحون وترجعون سالمين
هلا أخوي jemi_soul
نصيحتك على العين والراس ... وحاسب حساب أسوأ الظروف
لكن لا مانع من الإجتهاد
والله لا يخيب تعبي
مشكور أخوي
انا عندي قاعدة الي بيسافر ينبسط ويوسع صدرة ولا لا يسافر
بالنسبه للطبخ اذا انتم بتطبخون غداء وعشاء بياخذ من وقتكم الكثير والجهد
لو تاكلون اشياء خفيفه في السفر افضل لكم من الحوسه هذي
مجرد راي
أخوي جلاد السفر
الموضوع مهب بالشكل اللي أنت تتصور
أخوي أنا حاط مخطط لأماكن كثير بأزورها.... وأماكن حاطها باللسته إذا تيسر وقت
ومستحيل آطق مشوار لمكان ... وأرجع بسبب تكاليف ما حسبت حسابها
اللي أقصده هو مسألة الأكل والشرب .. وش أفضل شي آخذه معي .... طريق ترتيبها ... تكاليف المقاضي هناك
ولا فيه أي مشكلة من الأكل برى عادي جدا ..... لكن برضه ترانا محنب شويين ... ولا نيب راحين أنا والمدام شهر عسل ... ولا 3 أشخاص ... حنا 6 نص درزن
:gathering:gathering
:36_15_17::36_15_17:
وكلن وأنا أخوك يطبخ ... ما أعتقد فيها تعب ولا شي ..
مشكور على رأيك ... وأنا مقدر وجهة نظرك