باسل2
02-10-2022 - 01:42 pm
السلام عليكم ورحمة الله وبركاته
حقيقة تابعت المنتدى وشفت تفاعل الاخوان وتجاوبهم في الاجابة على استفسارات الزائرين والمعلومات الوفيره عن اي شي يحتاجة الشخص الزائر لقطر
وأسجل اعجابي الشديد بردودهم الكافية والسريعه لكل من سأل عن شي وهذا مو شي غريب على اهل الكرم والجود أهل قطر الخير والعز
لكن فيه استفسار مالقيت جواب له وهو لو بغيت استاجر لمدة سنه في قطر كم الاسعار السنوية للأجار علماً انني أنوي بإذن الله السكن في قطر لمدة اربع سنوات للدراسة وعائلتي صغيره ( زوجة وطفلين وخادمة ) وابغى مكان محترم تسكنه العوائل القطرية يعني ابي اعتبر نفسي بديرتي وبين ربعي واهلي لأني بدوي شوي ههه
عافاكم الله
ياهلا بك يالغالي
اولا أسال الله ان يوفقك بالدراسة
وبالنسبة للسكن بالطبع تختلف من مكان الى اخر00ومن نوع السكن ايضا
وصدقني ياخوي ان اهل قطر بالوقت الحاالي تجدهم يسكنون الفلل والبيوت الشعبية والملاحق والشقق00
ومثل ماعرفت منك انك تبي تسكن بأحدى الاحياء السكنية والتي يسكنها اهل قطر00
هناك منازل بالطبع واسعارهم يالغالي مرتفع جدا جدا00
وأذا رغبت سأسال لك عن الملاحق التابعه لأي منزل وعن سعره الشهري والسنوي00
وفالك طيب بأذن الله