1. أولا: ما عليكم امر ابا برنامج لمدة 17 يوم في بلاد العمة


2. علما ان عدد المسافرين شخصين انا وزوجي

مرحبابكم جميعا
أول شي حبيت أشكر الجميع على تفاعلهم مع اي موضوع ينطرح بالمنتدى
بصراحة ينشد فيكم الظهر
أنا اول مرة أكتب موضوع ف المنتدى بس دايما متابعتنكم ويوميا أدخل على بوابة اندونيسيا لاني ان شاء الله ها الصيف رايحة لاندونيسيا

أولا: ما عليكم امر ابا برنامج لمدة 17 يوم في بلاد العمة

علما ان عدد المسافرين شخصين انا وزوجي

ثانيا: هاذي بتكون اول زيارة لاندونيسيا عشان جيه انا متخوفة ان البلاد ما يكون فيها وناسة لاني سمعت انهم يرقدون من الساعة 8 وطبيعتي انا وزوجي متعودين على وناسة تايلاند والسهرة لحد 3 الفجر تقريبا اذا ما ورانا رحلة الصبح طبعا وزوجي ما يحب البلاد الي يكون فيها صخه وهدووء يحب الوناسه وانا كذلك بس ما يمنع نتمتع بكم يوم هدوء خاصة الجبل انا وايد متشوقة لزيارته
ثالثا : وين بحتاج السواق وابا رقم سواق فله نقدر نعتمد عليه وكم لازم نعطيه ف اليوم ؟
رابعا : الفلل إلي ف الجبل كيف نحجزها ومن وين نيب الخادمه وهل ف الفله سيفتي بوكس يعني باختصار وين نحط فلوسنا لاني قريت في تقرير بعظهم انهم انسرقوا عشان جيه زغت وقلت لازم اسال يعني اكيد ما بنطلع ومعانا كل فلوسنا
خامسا :شوه أفضل المناطق لزيارة وكم تستاهل كل منطقة
اتمنى اني ما أزعجتكم او طولت عليكم بس لازم اسأل واستفيد من خبرتكم خاصه اني اول مرة ازور بلاد العمه
وتقبلو تحياتي