أبوسليمان الحكيم
16-04-2022 - 08:43 am
مساكم الله بالخير
كنت مخطط مع أثنين من الزملاء على السفر للنمسا ولكن .....
للأسف ظروفهم ماتسمح لهم السنة هذي للسفر !
المشكلة إن السفرة في راسي من كثر ماقريت في هذا المنتدى الرائع من تقارير .
سؤالي /
ينفع أسافر للنمسا لوحدي ؟؟؟؟؟؟؟؟؟؟
ياليت تساعدوني ونفكر سوا في هالموضوع
الله يسعدكم
أخوي طبعا ينفع تسافر بروحك بس يعتمد على شخصيتك ومزاجك
مثلا إنت من الناس اللي يحب يكون بروحه وقت طويل أو لأ؟؟ هل تحب تسولف واايد أو تحب تتأمل أكثر؟؟ تحب تاكل بروحك؟؟تقدر تفتح مواضيع مع الآخرين لأوقات قصيره يعني تسولف عشان تضيع الوقت من غير لاتدخل في صداقات؟؟ يعني بالعربي حسب مزاجك وميولك وتخطيطك كبف راح تقضي وقتك
إنا السنه اللي فاتت لفيت أوروبا وكانت أول مره أسافر فيها لأوروبا و بروحي وطرت طيران داخلي وركبت القطار من دوله إلى دوله وماحسيت بملل إلا في بعض الأوقات لعدم معرفتي بالأماكن السياحيه في بعض الدول
إذا قررت تسافر بروحك أنصحك لاتزيد عن ثلاث أيام في كل مدينه وأنصحك تحاول تجمع أكبر قدر ممكن من المعلومات عن المدينه اللي بتروح لها وإذا قررت تروح أكثر من مدينه عن طريق القطار نصيحه نصيحه نصيحه لاتأخذ شنط وايد وأكتف بشنطه سهلة الحمل وليست كبيره عشان ماتتبهذل في القطارات نفسي ههه
وبالتوفيق