للعلم حجوزاتي كلها على سويسرا وحجزت يومين في الريف الفرنسي القريب من سويسرا عشان احصل على الشنجن لان الموظفه قالت لامانع من حصولك على الشنجن اذا كان عندك حجز في فرنسا لو ليليتين وستهبط في سويسرا وليس في فرنسا..
هل ياترى ساحصل عليها فعلا او بس يحبسون اواراقي وجوازي ويروح علي الوقت لا انا الي طلعت فيزا سويسرايه ولا الي حصلت شنقن؟؟

اهلا بك ..
بجاوب على اللي اعرفه ...
بالنسبة الى طلباتهم لازم وضروري تلتزم بها ...لأنه كأنهم يدورون على شيء علشان يرفضون الفيزا
دام انت بعيد عن السفارة الافضل مكتب سياحي لأنه والله راح تتعب كثير ويمكن بعد هالتعب تنرفض الفيزا على شيء بسيط انت ما انتبهت له ...
مثلا الصور لازم تلتزم بالمقاس ولازم جديده تو مصورها !
الاستمارات احيان خطأ بسيط بسببه يرجعون لك الاوراق .... الخ
اللي اعرفه انه السفارة الفرنسيه مره صعبه حتى المكاتب ما ينصحون بها اذا بتطلع شنغن
يمكن السفارة الايطاليه افضل منهم ..
هذا والله أعلم ..

والله ياغالي أنا ولله الحمد لسه طالعة الشنغن من يومين من السفارة الايطالية بعد عمل حجوزات وهمية من أحد المكاتب تذاكر وفنادق على ايطاليا بنفس الايام اللي انا ناوي أجلسها ب 100 ريال
وبعدين جهزت أوراقي من تأمين سفر وكشف حساب وتعريف راتب وكلمت السفارة الايطالية خذت موعد يوم الاثنين بعد اسبوعين من اتصالي وقلت له انا مستعجل وماني من الرياض قال كلم يوم ثاني يمكن أحد يلغي حجزه أحطك مكانه وكلمت بعد يومين قدم موعدي للأربعاء قلت خلني أصير طماع كلمت بعد يومين قال بس أمسك موعدم لا يروح عليك ههه بس الله يعينك على الانتظار على مايمسك الخط دائماً مشغول
بعد كذا قبل الموعد بيومين رحت مكتب فيفا وعطيتهم الأوراق وقيمة 500 ريال لكل جواز مع الجوازات والصور وعبأ الفورم ووقعت عليه قال لا خلص كلمناك والحمدالله اللي سهل الأمور وكلموني الاحد بعد 10 أيام قال الفيزا جاهزة تعال بس ولقيتها شنقن متعددة السفرات لمدة 6 شهور إلى فبراير 2009 طبعا أن شاء الله سفري في أكتوبر
والله أنصحك بالايطاية طيبين وحبوبين بعكس الفرنسيين متشددين كثير وكلها تدخل أوروبا وشحادك عليهم هم الخسرانين لا شافوا العالم تركوهم والمكسب حقهم انخفض بيعقلون وكل الطرق تؤدي إلى أوروبا وإضافة بسيطة أنا لما رحت لمكتب فيفا قلت أنا مالي نية أروح ايطاليا (قبل ماغير خطتي وأضمها للخطة) وبروح سويسرا وفرنسا قال إذا فرنسا أقضب الباب هذولا ماوراهم ألا التعب تبي رح أعملك حجوزات ايطالية وتعال وابشر بالخير
هذا ماحصل معي من طقطق لسلام عليكم أتمنى أنك تستفيد وتدعي لي أني أتوفق بهالرحلة
تحياتي لك

بعد التحية والسلام :
ليش الواحد يجلس على اعصابه نصيحة من أخ مجرب مكتب الطيار جيد ولا بأس فيه ولابد تكون الأمور في السليم لأنهم يتمنون يلقون عليك شي .
تحياتي لك ..

شاكر مرور الجميع ونصايحهم
خلاص بروح اخوي الرايق للسفاره الايطاليه بس الله يخليك عطني عنوان المكتب الي تقول عنه .. الله يوفقك ويسعدك وتروح وتجي بالسلامه ان شاء الله

الرايق
اخوي الرايق
يعني المكتب اللي خلص لك اوراقك
طيب ليش انت اللي تاخذ الموعد من السفاره ليش مو المكتب !!
ولو سمحت ولا عليك امر ممكن رقم هاتف مكتب الفيفا ووين موقعهم بالضبط !!

majed0445
نفس الاستفسار
ياليت اخوي الرايق رقم هاتف المكتب وعنوانه

الاخوان ماجد والناري
حياكم الله ياغالين
وبالنسبة لمكتب فيفا فهو مكتب مشهور ومتخصص في أعمال السفارات وطبعاً رقم الهاتف يختلف حسب المدينة اللي تسكن فيها لكذا ممكن تكلم 905 وتطلب رقم مكتب فيفا في مدينتك وتكلمهم تتأكد منهم من الاوراق المطلوبة وتروح مكتب محترم يعملك الحجز الوهمي شخصياً تعاملت مع مكتب الملحم وكانوا 100%
وبخصوص سبب أني لازم أحجز موعد فكان الموجود في المكتب هندي وقال أنه ماله دخل بالموعد أنت تحجز الموعد وقبل الموعد بيومين تجيب أوراقك وتعطيه الموعد وهو يتصرف حتى رقم الشباك مايحتاجه عطه الطريق وهو يتصرف
لكن غالباً السبب في هذا الملل اللي راح يصيبك وأنت تكلم السفارة الايطالية على مايمسك معاك الخط يعني الله يعنيك الرقم دائماً مشغول ووقت الحجز من 10 - 1 وغالباً على وقت صلاة الظهر كان يشبك معي
الله يعينكم ويوفقكم
واتمنى زي ماستفدت من هذا المنتدى أفيدكم
تحياتي لكم

بيض الله وجهك الرايق ما قصرت