وعليكم السلام ورحمه الله وبركاته
احلي بلد
متابعين معاك

اليوم الأول الأربعاء 21-3
انطلقنا من الرياض الساعة 6 صباحاً وهذا خط سير الرحلة وصور لها
خط الرياض الدمام السريع - جوده - حنيذ - مليجه - النعيرية - الخفجي - الكويت


أمطار الخير والبركة في طريقنا



وصلنا بحمدالله لمنفذ الخفجي
انتهينا من تختيم الاوراق عند جوازات السعودية وانطلقنا لجوازات الكويت
ويظهر لنا علم الكويت مرفرفاً إشارة لدخولنا الأراضي الكويتية

• الطريق سيء جدا الزفلت محفر واتجاه واحد كله شاحنات وبعارين
• عذرا تم التعديل عالصور بالرسام لضيق الوقت

يتبع
مفاجأة عند الجوازات الكويتية؟؟!!

وعليكم السلام
ويستاهل مشرفنا العصيمي
ومتابعين معاج

ريماز..!
انتهى وقت التعديل ولازالت مستمرة مشكلة رفع الصور
ممكن تزودوني بمركز تحميل جيد

وصلنا جوازات السعودية الساعة 12 الظهر انتظرنا نص ساعة والحمدلله تيسرت الأمور أما جوازات الكويت هنا كانت المفاجأة قال الموظف اني سبق و زرت الكويت انا وقائد الرحلة (أخوي) وفيه تشابه أسماء على الرغم ان هذه أول مرة للعائلة كلها تزور الكويت فطلب منا نراجع المبنى المجاور والبقية يروحون للمطابقة وانتظرت ساعتين على أعصابي وأنواع التعليقات من العائلة الكريمة وبعدها فرجت
و جاء اخوي وطلعت المشكلة انه في تشابه أسماء الثلاثية أنا وأخوي مع ناس ثانيين وتم حل المشكلة باسم الجد وطابقت وتحركنا وهذا صور من طريقنا للفندق

خير صديق في السفر كتاب

وصلنا للشقق الفندقية اريزنا تاور

وتم حجزها عن طريق البوكنق وهذا الرابط
https://www.booking.com/hotel/kw/arinza-tower-quality-suites.ar.html?aid=1300939

اكثر مشكله الحجز وقت الموسم
الله يعين
متابعين

حياكم الله ونورت الكويت بوجودكم
الاخ العصيمي ما يقصر ابدا لمساعدة الغير
بن شملان ما جربناه بنجربه ان شاءالله
وقيصر من زمان راحت عليه بس عندهم اطباق لذيذه
مثل المشويات والاطباق الهنديه
يعطيك العافيه تابع واحنا متابعين معاك
مراقبنا فيصل حلت دنياك

1. هذا مكان يبيع شغلات سوفنيير وأكيد الأسعار مبالغ فيها


2. فيها ايسكريم (برّد) وعصير وماء جربنا الايسكريم الساندوتش حلو

اليوم الثاني الخميس 22-3
1- الجزيرة الخضراء على شارع الخليج العربي وهذه احداثياتها
lat 29.364049
lon 48.024971
حلوة للمشي فيها مساحات كبيرة تصلح لجلسة مسائية عالبحر فقط مافيها انشطة كثير للأطفال وهذه صور لها:
صورة للأبراج من الجزيرة
2- أبراج الكويت على شارع الخليج العربي تجربة ممتعة الأبراج كانوا معلقين صور للأبراج بعد الغزو والدمار اللي حصل فيها تمنيت أزورها في الليل وأشوف الكويت بالليل
وهذه الاحداثيات
lat 29.389773
lon 48.003153
ولأني مبتدئة في عالم التصوير فنسيت أشحن الكاميرا بالليل والنتيجة خلص علي شحن الكاميرا وأنا أصور في الأبراج باقي الصور بالأيفون

هذا مكان يبيع شغلات سوفنيير وأكيد الأسعار مبالغ فيها

3- الغداء ميس الغانم على شارع الخليج العربي الجهة المقابلة للأبراج كان مررة زحمة المطعم حبيت فيه النظافة وضايقني عدم وجود كباين أو بارتشن والزحمة الشديدة وخدمة الويترز سيئة جدا أما الأكل عادي طعم لبناني حبيت الحمص بالصنوبر واللحمة
والاحداثيات
'25.79" 29°23شمال
2-97" 47°59'شرق
4- قرية يوم البحار على شارع الخليج العربي مقابل مجلس الأمة صغيرة جدا مملة جدا ما تستحق الزيارة إلا اللي معه أطفال عشان الألعاب طبعا تفتح من 5 ونص العصر والاحداثيات اللي هنا في المنتدى خطأ فضاع وقتنا وإنا نلف ندورها
هذه الاحداثيات الخطأ
الاحداثيات:
lat 29.369266
lon 47.961520
الإحداثيات الصحيحة نسيت اخزنها في GPS
5- شاطئ الشويخ الاحداثيات برضوا كلها خطأ وكلها اماكن نائية أو مناطق فاضية
شاطئ الشويخ
Coordinates: 29°21'21"N 47°56'42"E
Coordinates: 29°21'34"N 47°57'8"E
Coordinates: 29°21'4"N 47°55'31"E<<صراحة اللي حاطها مجرم
جلسنا نلف ندور شاطئ نريح عليه شوي وجلسنا على الكورنيش على شارع الخليج العربي المكان نظيف بس الريحة سيئة جدا ريحة مجاري والمكان ما يصلح للعوائل الملتزمة كان فيه شباب كثيير وبنات وحركات نص كم
6- سوق المباركية جدا ممتع و ضروري اي شخص يزور الكويت يمره فيه شغلات كثيرة ممتعة أخذنا منه سوفنيير للأهل (صوغة) وخاصة سرداب الشايع يدوخ كله مكياج والأسعار روعة
والاحداثيات الموجودة في المنتدى للباركنق القريب من السوق وليست للسوق لما توصلون هناك اسئلوا عن السوق
سوق المباركية والمدينة القديمة
الاحداثيات:
lat 29.372539
lon 47.973098
شايفين السهم الأحمر هذه عبارة عن سلة من الخشب المحفور لما نسكرها تطلع صحن ولما نفتحها سلة فيها سلال صغار تصلح للحلويات الشعبية جدا رائعة سعرها 10 دينار
عربات كي دي دي في كل مكان في الكويت دوار - كورنيش - اي مكان يخطر على بالكم

فيها ايسكريم (برّد) وعصير وماء جربنا الايسكريم الساندوتش حلو

7- مجمع 360 نسيت اسجل الاحداثيات كان زحمة مووت خاصة الدور الثالث كنا حابين نشوف فيلم وحصلنا الناس طوابير عند السينسكيب أخذنا أيسكريم وميلك شيك ريد فيلفت من محل أيسكريم ايطالي Marble Slab وطلعنا من المجمع
منظر أبراج الماء مع أعلام الكويت أعجبتني
8- مطعم مغل الهندي في مجمع ماركس سبنسر السالمية عندي احداثيات له بس مو متأكدة منها
طبعا المطعم في الدور الخامس وكان برضوا زحمة وكباينه مررة صغيرة والنظافة مو مرة ما يستاهل الزيارة
طلبنا برياني ربيان وكان أقل من عادي وطلبنا ماسلا دجاج وكان غير قابل للأكل ودجاج كورما كان لذيذ مع خبز النان وسمبوسة بالخضار عادية ولفائف الخضار غير قابلة للأكل وسبانخ بالفطر والليمون شكلها مو مرة بس طعمها مقبول << من الجوع نسيت اصور الأكل
وبكذا انتهى اليوم الثاني
ترقبوا صور حصرية بعدستي لأشهر ممثلي الكويت