- السلام عليكم
- 3 ليالي ميلان
السلام عليكم
انا حبيت اكتب لكم تجربتي لزيارتي لإيطاليا وهي لشهر العسل وبما اني من هواة التخطيط خططت للرحله صح وكان بشهر 11 إخترت ايطاليا لأنها أقل دول أوربا بروده ولأنها ثاني دوله رومانسية بعد فرنسا .. ولأن فخاطري ازور هالمدينة العريقه غير اني الكثير ذموها بالصيف بسبب جوها الحار بالصيف قلت اشوفها بالخريف ويكون الجو معتدل واستمتع فيها .. وفعلا اثبت للعالم ان ايطاليا روعه بس ماانصح فيها بالصيف
كانت زيارتي للمدن التالية بالترتيب
3 ليالي روما
ومن الطريق من روما الى فلورانس زيارة برج بيزا المائل
3 ليالي فلورانس
3 ليالي فينيس
3 ليالي ميلان
والتنقل كان بالسيارة ناخذها بكل فندق نستقر فيه وكانت ممتعه ومريحه وبين كل منطقه ساعتين او ثلاث
والفنادق كانت ممتازه وموفقه الا في روما سكن في فندق اسمه لاغريف موقعه ممتاز وجوه رومانسي لكنه ضيق ويخوف مع انه عالشارع العام بس شكيت انه مسكون واللي يدخلونه معضلين ماانصح فيه لكن اخترت لكم فندق ان شاء الله موفق بحكم خبرتي بالمكان وهذي لستة للفنادقالفنادق
في ميلان فندق مميز في وسط السوق وقريب من الدومو والمطاعم
Starhotels Rosa
في روما فندق عند الساحة الاسبانية
Hotel dei Mellini
فلورنس فندق يهبل الغرفه طابقين ومطله عالنهر وقريب من الساحه والمطاعم
Plaza Hotel Lucchesi
فينيس
انصح بالسكن بفندق راقي لأن معظم الفنادق فيها قديمة وفي ممرات ضيقه
واحسن فندقين على مستوى
Hotel Danieli
و
Bauer Hotel
واتمنى للكل رحلة سعيدة وموفقة
