أنا اللي أعرفه أنه ما يجوز الأحتفال مع الكفار
وإذا مصممه أخذي لج حج او عمره
لأن المنيه لا يعرف وقتها

هلا اختي نونا ...
و الله بخصوص شهر ديسمبر انه مادري شلون بيكون الجو في لندن بالضبط ، بس عندي خبرة بباريس ، لاني رحت هناك في الكريسماس و السنة اليديدة ، الجو كان بارد ، بس انتو خذو وياك ثياب شتوية عدلة و تدفو زين ، بيني و بينج مظاهر الاحتفالات هناك و الشوارع المزينة تنسيج لبرودة .
اما بخصوص السكن مع عائلة ، انه الي اعرفه ان اغلب الي يسكون مع عوايل اهم الطلاب عشان يكون اوفر لهم ، بس الي يروحون سياحة يقعدون في فنادق او شقق عشان ياخذون راحتهم . اتمنى اني اكون افتدج و اي سؤال احنا تحت امرج .

أختي الكريمة
جو لندن في شهر ديسمبر بارد جدا، و درجة الحرارة تكون أقل من 5 درجة مئوية في النهار و تقترب من الصفر أو تحت الصفر في المساء، عشان كذا لو قرتوا السفر في ديسمبر تحتاجوا ملابس شتوية ثقيلة جدا.
بالنسبة للسفر في نهاية أكتوبر أو بداية نوفمبر رح يكون الجو بارد، بس مقبول نوعا ما، بالتأكيد تحتاجوا ملابس شتوية. و عموما جو لندن مجنوون بمعنى أنه متقلب، و أقصد أنه ربما يصادفك يوم شديد البرودة خلال الفترة (نهاية أكتوبر - بداية ديسمبر).
عموما.. أنا و زوجتي أيضا قررنا السفر مع ابننا نهاية أكتوبر، يعني الجو راح يكون بارد بس برد لطيف مو مثل برد النصف الثاني من ديسمبر و شهر يناير.
بالتوفيق؛؛

الله يعافيكم شكراً
احنا خايفين من البرد الشديد بس احتمال نهاية اكتوبر أو نهاية ديسمبر
ونفسي اشوف الريف الإنجليزي وش اسماء المناطق هناك في الريف وفيه سكن زي الأكواخ؟
يعني نقضي اسبوع في لندن والأسبوع الثاني وين نروح ؟
على فكرة المقصد نبي نشوف الإحتفالات مو نبي نحضر الإحتفالات ونحتفل وفيه فرق بين الأثنين
وبحدود كم أسعار الشقق في لندن؟